ШҚО прокуратурасы 3,5 мыңнан астам баланың денсаулық сақтауға арналған конституциялық құқығын қорғады

Алтай ауданының прокуратурасы жергілікті атқарушы органдардың жасөспірімдер арасындағы қылмыстың алдын алу және балалар құқықтарын қорғау саласындағы қызметіне тексеру жүргізді.

Қадағалау іс-шаралары барысында ауданның кәмелетке толмаған тұрғындарының айтарлықтай бөлігі жыл сайынғы міндетті профилактикалық медициналық тексерулермен қамтылмағаны анықталды.

Профилактикалық тексерулер балалардың құқықтарын қорғау жүйесінің негізгі элементі болып табылады, өйткені олар ауруларды ерте кезеңде уақтылы анықтауға және қажетті медициналық көмекті жедел көрсетуге мүмкіндік береді.

Бұл бұзушылықтар балалардың мемлекет кепілдік берген денсаулық сақтау және уақтылы медициналық көмек алу құқықтарына тікелей нұқсан келтірді.

Анықталған бұзушылықтар бойынша аудан прокуратурасы прокурорлық қадағалау актісін енгізді. Нәтижесінде 3 658 кәмелетке толмаған баланың құқығы қорғалып, олар профилактикалық медициналық тексерулермен толық көлемде қамтылды.

Өскелең ұрпақтың денсаулығын сақтау және әл-ауқаты саласындағы заңдылықтың сақталуы мәселелері қадағалау органының тұрақты бақылауында.

Шығыс Қазақстан облысының прокуратурасы