Ұлытау облысында сотталғанмен телемост жүргізілді

Ұлытау облысының прокуратурасы Қарағанды облысы және Ұлытау облысы бойынша Қылмыстық-атқару жүйесі департаментімен бірлесіп, студенттер мен №62 Мекемеде жазасын өтеп жатқан сотталған арасында телемост ұйымдастырылды.

Іс-шара ашық диалог форматында өтті, оның барысында есірткі құралдарын өткізгені үшін жазасын өтеп жатқан сотталған өз өмір жолы туралы ашық бөлісті. Ол қабылдаған шешімдерінің салдары, жоғалтқан мүмкіндіктері және жіберілген қателіктердің құны туралы айтып берді.

Кездесу барысында жеке жауапкершілік, таңдау еркіндігі және құқыққа қарсы әрекеттерге тартылумен байланысты тәуекелдер мәселелеріне ерекше назар аударылды. Студенттер өздерін қызықтырған сұрақтарын қойып, заң бұзушылықтың нақты салдары туралы өмірлік мысалдарды есту мүмкіндігіне ие болды.

Өткізілген телемост жастар арасында құқықтық сананы қалыптастыруға және құқық бұзушылықтардың алдын алуға бағытталған маңызды профилактикалық құрал болды. Мұндай іс-шаралар әрбір қабылданған шешім адамның болашақ тағдырына тікелей әсер ететінін түсінуге ықпал етеді.

Ұлытау облысының прокуратурасы өскелең ұрпақ арасында құқықтық мәдениетті арттыруға бағытталған профилактикалық бастамаларды одан әрі жалғастырады.