Құқық қорғау жүйесінің үш буынды моделі
2021 жылғы 3 желтоқсанда Үйлестіру кеңес отырысында құқық қорғау жүйесінің үш буынды моделіне көшу және модернизациялау процессі аясында атқарылған жұмыстар талқыланды.
Үйлестіру кеңесінің жұмысында облыс және аудандық деңгейдегі құқық қорғау органдарының басшылары қатысты.
Іс жүзінде әрбір шешім талқыланады және бірлесіп жасалады, осы орайда тергеу әрекеттері мен оған қатыстылары туралы мәліметтер зерделенді.
Туындаған барлық мәселелер, шағымдар мен процессуалдық әрекеттер тергеушімен бірге шешіледі. «Бірге-бір» іспен ешкім қалмайды.
Нәтижесінде - осы модельді енгізу бүкіл қылмыстық процестің кезеңіне оңды әсер етті.
Бірінші. Прокурорлар 32 адамды күдікті деп тану туралы шешімдерді келісуден бас тартты, оның ішінде 7 адамға қатысты кейіннен ақтау негіздері бойынша қылмыстық қудалау тоқтатылды.
Екінші. Үш буынды модельдің аясында азаматтардың конституциялық құқықтарының бұзылуына жол берілмеді.
Үшінші. Істерді қосымша тергеуге қайтару екі есеге немесе 49% (73-тен 37-ге) төмендеді.
Төртінші. Үзілгендерді бұзулар 70,4% (142-ден 42-ге),тоқтатулардың күшін жою 76,2% (705-тен 168-ге) төмендеді.
Бесінші. Манипуляцияға жол берілмеді, тергеу және статистиканың объективтілігі, саралаудың тазалығы мен мерзімді сақтау қамтамасыз етілді.
Тергеу мерзімдерін бұзу 18% төмендеді (364-тен 251-ге), қарыздар азайтылды және мұрағаттың толықтырылуы қамтамасыз етілді (тоқтатылған істерді ұсыну бойынша).
Жалпы, қадағалаудың сапасы артты.
Органдардың өзара әрекеттесу мәселелері автоматтандыруға бағытталған.
Пилоттық сынақтан өткізу кезеңінде облыстың барлық құқық қорғау органдарын дайындықтан өткіздік,ал оның оңды аспектілерін - жұртшылыққа жеткіздік.
Реформалардың маңызды міндеті қылмыстық процестің ашықтығы болып табылады, бұл ретте онлайн-режимде қабылданатын процестік шешімдерді түзету мүмкін болмайды, бұл ресми қылмыстық-құқықтық статистиканың анықтығына кепілдік береді.
Қарапайым тергеушілердің жауапкершілігі, олардың тәртібі артып, бөлім басшыларының жеке аудандық полиция бөлімдерінде ғана емес, сонымен қатар жоғары тұрған органдарда да процедуралық бақылау нысандары кеңеюде, өйткені ақпараттық жүйелерге қол жеткізу әрдайым ашық.
Түркістан облысының прокуратурасы