«Жол қозғалысы саласындағы заңнаманы сақтау туралы»

        2023 жылғы 27 қазанда облыстың қадағалау органында Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің отырысы өтті.
        Отырыста 2022 жыл мен 2023 жылдың 9 айында өңірдегі жол-көлік оқиғалары мен жарақаттануды азайту бойынша уәкілетті органдардың жол қозғалысы саласында заңнамаларды сақтау және қабылданған шаралардың толықтығы туралы сұрақ қарастырылды.
        Кеңес барысында өңірде жол-көлік оқиғалары санының 17,5%-ға, ал зардап шеккен адамдар санының 16,8%-ға өскені атап өтілді.
        Жол қозғалысына қатысушылардың тәртібінің төмендігі, уәкілетті органдар тарапынан заңмен қарастырылған шараларды қабылдамау жол-көлік оқиғаларының негізгі себептері болып табылады.
       Тексеріс барысында жол қозғалысы саласындағы заңнама талаптарын жүйелі бұзылушылықтар анықталды.
       Жергілікті атқарушы органдар «Жол қозғалысы туралы» ҚР Заңының 24-бабының талаптарына қарамастан, полиция органдарының 79 жазбаша нұсқамасы бойынша оларды жою бойынша шаралар қабылдамаған.
       Күн сайын 6 мыңнан астам бала баратын өңірдегі 83 білім беру мекемесінің жанында жол белгілері мен белгілердің болмау фактілері анықталды.
       Медициналық қарсы көрсетілімдер бойынша көлік құралдарын жүргізуге тыйым салынған 138 адамның жүргізуші куәлігінің болу фактілері анықталды (басқару құқығын тоқтату бойынша жұмыс жүргізілуде).
       Мысалы, облыс орталығында қоғамдық маршруттың жүргізушісі 2023 жылдың 2 мамырынан бастап психикалық денсаулық орталығында есепте тұрып, автобусты басқарды, осылайша қала тұрғындарының өмірі мен денсаулығына қауіп төндірген.
       Талқылау қорытындысы бойынша уәкілетті органдарға қосымша жаяу жүргіншілер өткелдерін салу мәселелерін пысықтау ұсынылды.
       Облыстың полиция департаментіне жергілікті атқарушы органдармен бірлесіп жолдардың апаттық-қауіпті учаскелерінің реестрін жасау, проблемалардың тізбесін айқындау және оларды шешу ұсынылды.
        Барлық уәкілетті органдармен жол қозғалысы қауіпсіздігі мәселелері ерекше бақылауға алынды.

                        Солтүстік Қазақстан облысының прокуратурасы