«Құқықтық дәріхана»-қолжетімді көмек және өзінің құқықтарын қорғау мүмкіндіктері!

11.08.2026 жылы облыс прокурорлары  «Құқықтық дәріхана» кезекті акциясын өткізді, оның аясында азаматтарға тегін құқықтық консультациялар берілді.

Акцияның негізгі идеясы: егер құқықтық мәселе туындаса, жағдай қайшылықты болғанша күту қажет емес. Кейде уақтылы консультация адамға құжаттарды дұрыс ресімдеуге, өз құқықтарын қорғауға және одан әрі дауларды болдырмауға көмектеседі.

Бұл жолы прокурорларға өмірде  әртүрлі жағдайларға тап болған  азаматтар өтініш білдірді.

Сонымен, Петропавл қаласының тұрғыны алаяқтық туралы қылмыстық іс бойынша сотқа дейінгі тергеп-тексеру мерзімін үзудің заңдылығы мен негізділігі туралы мәселемен өтініш жасаған. Облыс прокуратурасының басқарма бастығы қылмыстық-процестік заңнаманың талаптарын түсіндірді, сондай-ақ Қылмыстық-процестік кодекстің 105-бабының нормаларында көзделген шағым жасау тәртібін, қылмыстық қудалау органдарының осы шағым санатын қарауға құзыретін түсіндірді.

Ғ.Мүсірепов ауданының тұрғыны көлік сатып алғаннан кейін проблемаға  тап болды. Мәмілені ресімдегеннен кейін, көлік құралын сатып алушы білмейтін шектеулері бар екені белгілі болды. Азаматқа қандай мәліметтерді тексеру қажет, қайда жүгіну керек және сатушыға қандай талаптар қойылуы мүмкін екендігі түсіндірілді.

Қабылдауда басқа  келуші коммуналдық қызметтер үшін қарыз мәселесі бойынша өтініш білдірді. Оның айтуынша, төлем құжатында ол келіспейтін сома көрсетілген. Облыс прокуратурасының қоғамдық мүдделерді қорғау  басқармасының бастығы есептеулерді тексеру, қызмет көрсетушіге өтініш жіберу және бұзушылықтар болған кезде одан әрі шағым жасау тәртібін түсіндірді.

Мағжан Жұмабаев ауданының тұрғыны «идиопатиялық тромбоцитопениялық пурпура» диагнозымен гематолог дәрігердің диспансерлік есебінде тұрған балаға қажетті дәрілік препаратпен қамтамасыз ету мәселесі бойынша өтініш білдірді.

Аталған мәселені шешу мақсатында аудан прокуратурасы аудандық аурухананың директорымен бірлесіп, сол жерде тиісті шаралар қабылдап, балаға қажетті бағасы шамамен 200 000 теңгені құрайтын «Элтромбопаг» дәрілік препаратымен қамтамасыз ету мәселесін шешті.

 Әрбір осындай оқиға: құқықтық көмек тек сотта немесе елеулі қайшылықтар туындаған кезде ғана қажет емес екендігін  көрсетеді. Көбінесе өз құқықтарын және іс-әрекеттердің одан әрі алгоритмін түсіну үшін уақтылы сауатты түсініктеме алу жеткілікті.

Өз құқықтарын білу — оларды қорғай білу деген сөз. Ал құқықтық консультацияны мәселе алғаш пайда болған кезде де алуға болады.

Сонымен, акция барысында азаматтарға қажетті құқықтық түсініктемелер беріліп қана қоймай, әлеуметтік маңызы бар нақты мәселелерді шешуге практикалық көмек көрсетілді.

Акция барысында барлығы 142 азамат қабылданды. Жалпы, ағымдағы жылдың басынан бері облыс прокуратурасы «Құқықтық дәріхана» жобасы аясында 2 мыңнан астам азаматқа құқықтық көмек көрсетті.

Облыс прокуратурасы тұрғындарды әр сейсенбі күні Петропавл қаласындағы «Рахмет» сауда үйінде, сондай-ақ облыстың барлық аудан орталықтарында (сауда-ойын-сауық орталықтары, халыққа қызмет көрсету орталықтары, мәдениет үйлері, аудандық ауруханалар және өзге де қоғамдық орындарда) өткізілетін «Құқықтық дәріхана» акциясына қатысып, білікті құқықтық көмек алуға шақырады.

                                Солтүстік Қазақстан облысының прокуратурасы.