Солтүстік Қазақстан облысында балалардың жолдағы қауіпсіздігін қамтамасыз ету жұмыстары күшейтілуде

2026 жылғы 31 наурызда Солтүстік Қазақстан облысының барлық аудандарында, сондай-ақ Петропавл қаласында «Заң мен тәртіп» идеологиясын ілгерілету тұжырымдамасы мен «Қауіпсіз қала» жобасын іске асыру аясында ұйымдастырылған «Жол жүрісі қатысушыларының қауіпсіздігі» акциясы өтті, оған шамамен 1 600 оқушы қатысты.

Іс-шараның мақсаты кәмелетке толмағандардың қатысуымен болатын жол-көлік оқиғаларының алдын алу, оқушылардың жолдағы қауіпсіз мінез-құлық дағдыларын қалыптастыру және олардың құқықтық сауаттылық деңгейін арттыру болып табылады.

Прокурорлар полиция қызметкерлерімен және жергілікті атқарушы органдардың өкілдерімен бірлесіп, жалпы білім беретін мектептердің оқушылары үшін жапондық көрнекі оқыту әдісін қолдана отырып, тәжірибе сабақтарын  өткізді.

Интерактивті түрде балаларға жолда жиі кездесетін жағдайлар көрсетіліп, көлік құралдарының «соқыр аймақтарының» қауіптілігіне, тежелу жолының ерекшеліктеріне және жолдың жүру бөлігіне кенеттен шығып кетудің ықтимал салдарына назар аударылды.

Акцияға қатысушыларға жол қауіпсіздігі саласындағы қолданыстағы заңнама талаптары және оларды сақтамағаны үшін жауапкершілік түсіндірілді. Кездесу барысында оқушылар өз сұрақтарын қойып, күнделікті өмірде тап болуы мүмкін жағдайларды талқылады.

Жолдардағы қауіпсіздікті қамтамасыз ету мәселелері, әсіресе балалардың өмірі мен денсаулығын қорғау туралы сөз болғанда, прокуратура органдары қызметінің басым бағыттарының бірі болып қала береді.

Бұл бағыттағы жұмыс жалғасатын болады.

                                             Солтүстік Қазақстан облысының прокуратурасы.