СҚО прокурорлары пайдалы қазбаларды өндіруге арналған лицензияларды сот тәртібімен жарамсыз деп таныды

Қадағалау органы талдау шеңберінде кең таралған пайдалы қазбаларды өндіруге лицензияларды заңсыз беруде көрініс тапқан өрескел бұзушылықтарды анықтады.

«Жер қойнауы және жер қойнауын пайдалану туралы» кодекстің 25-бабына сәйкес елді мекендер жерлерінің аумағында және оларға іргелес аумақтарда бір мың метр қашықтықта жер қойнауын пайдалану жөніндегі операцияларды жүргізуге тыйым салынады.

Кодекстің көрсетілген нормасын бұза отырып, облыс әкімдігінің кәсіпкерлік және индустриялық-инновациялық даму басқармасының лауазымды тұлғалары елді мекендердің жерлерінде орналасқан жалпы ауданы 44 га «Березовка» және «Шаховское» кен орындарында пайдалы қазбаларды өндіруге лицензия берді.

Сондай-ақ, бұл учаскелер ішінара Орман кодексінің талаптарына қайшы келетін мемлекеттік орман қорының жерлерінде орналасқан.

Облыстың мамандандырылған табиғат қорғау прокуратурасының талап - арыздары бойынша сот жоғарыда аталған лицензияларды жарамсыз деп таныды.

Бүгінгі таңда сот актілері заңды күшіне енді.

Сонымен қатар, прокурорлық қадағалау актісі бойынша кінәлі лауазымды тұлғалар тәртіптік жауапкершілікке тартылды.

Жер қойнауын пайдалану саласындағы заңнаманы сақтау мәселесі облыс прокуратурасының бақылауында.

Солтүстік Қазақстан облысы прокуратурасының сайтына сілтеме:

https://www.gov.kz/memleket/entities/prokuratura-sko?lang=kk