«Ішімдікке жол жоқ : Жамбыл мен Шағырсай тұрғындары тәртіп пен денсаулықты таңдады»

Уәлиханов ауданы прокуратурасының үйлестіруімен, жергілікті атқарушы органмен және аудандық полиция органдарымен бірлесе отырып «Заң мен Тәртіп» тұжырымдамасын іске асыру шеңберінде Жамбыл және Шағырсай ауылдарында қоғамдық тәртіпті нығайтуға елеулі қадам жасалды - тұрғындар алкогольді тұтынудан және сатудан толығымен бас тартты.

Екі ауылдағы жиындарда барлық қатысушылар салауатты өмір салтына көшу туралы бастаманы бірауыздан қолдады. Жергілікті дүкендер өз кезегінде ауыл тұрғындарының шешіміне жауап берді — кәсіпкерлер алкоголь өнімдерін ассортименттен өз еркімен алып тастап, оны әкелуді тоқтатты.

Бұл қадам прокуратура органдарының, жергілікті билік органдарының және белсенді тұрғындардың бірлескен күш-жігерінің нәтижесі болды, бұл жергілікті қоғамдастықтың құқықтық тәртіпті нығайтуға және өмір сапасын жақсартуға қосқан үлесін көрсетті.

#ЗАҢменТӘРТІП

Солтүстік Қазақстан облысы прокуратурасының сайтына сілтеме:  https://www.gov.kz/memleket/entities/prokuratura-sko?lang=kk