Мемлекет басшысының “Заң мен Тәртіп” тұжырымдамасын жүзеге асыру мақсатында Абай ауданы прокурорының төрағалығында құқық қорғау және жергілікті атқарушы органдардың қатысуымен мекемеаралық мәжіліс өткізілді.

Мәжілісте қоғамдық қауіпсіздік пен құқықтық тәртіпті қамтамасыз ету, сондай-ақ құқық бұзушылықтардың алдын алу мәселелері талқыланды.

Жиынға әкімдік, білім, салық органы, аудандық полиция және төтенше жағдайлар басқармасының басшылары қатысты.

Мәжіліс қорытындысы бойынша жауапты мемлекеттік органдарға нақты тапсырмалар беріліп, олардың орындалуын бақылау Абай ауданының прокуратурасы тарапынан қамтамасыз етілетіні атап өтілді.