Прокурорлар инвестор мен кәмелетке толмағандардың құқықтарын қорғады

Шымкент қаласының прокуратурасы Спорт және мәдениет басқармасында «DamuBala» бағдарламасына бөлінген бюджет қаражатын жоспарлау кезінде кәсіпкерлерге кедергі келтіретін, сондай-ақ кәмелетке толмағандарды тегін шығармашылық үйірмелер мен спорт секцияларына қатыстыра алмау фактілерін анықтады.

Прокурорлық қадағалау актісімен бұзушылықтар жойылды, 111 кәсіпкер мен 1 инвестор 2023 жылғы тамыздан бастап damubala.kz платформасында бұрын кезекте тұрған 4 276 кәмелетке толмаған балаға қызмет көрсете бастады.

Сонымен қатар а.ж. сәуір айынан бастап 125 кәсіпкер қызмет көрсету үшін шығармашылық үйірмелерге қатысуға damubala.kz платформасына 5 000 баланы (ваучерлерді) кезекке қоюға мүмкіндік берілді.

Спорт және мәдениет басқармаларының бұрынғы басшылары ҚР ӘҚБтК-нің 234-1-б. 2-б. бойынша әкімшілік жауаптылыққа тартылып, 369 200 теңге көлемінде айыппұл төленді және жауапты қызметкерлер тәртіптік жауаптылыққа тартылды.

Шымкент қаласының прокуратурасы