Шымкентте прокурорлар мектеп оқушыларына арналған форум ұйымдастырды
24.05.2025 жылы прокуратура, қала әкімдігі және білім басқармасымен бірлесіп «ТАҢДА! ӨЗГЕР! ЖАСАМПАЗ БОЛ!» тақырыбында республикалық форум ұйымдастырылды.
Форумның мақсаты - оқушыларға болашақ мамандықты таңдау тетіктерін түсіндіру.
Іс-шараға қала әкімінің орынбасары, прокуратура, Ғылым және жоғары білім министрінің кеңесшісі, республиканың 8 қаласынан жоғары оқу орындардың өкілдері, ата-аналар, педагогтар және 9-11 сынып оқушылары қатысты.
Өткізілген іс-шара барысында оқушыларға болашақ мамандығын дұрыс таңдауға бағыт-бағдар беру, еңбек нарығындағы сұранысқа ие өзекті кәсіптермен таныстыру және құқық бұзушылыққа жол бермеу, жазғы демалысты тиімді әрі қауіпсіз өткізуге байланысты түсіндіру жұмыстары жүргізілді.