Успен ауданының прокуратурасы Қазақстан Республикасының «Әкімшілік құқық бұзушылық туралы» Кодексіне енгізілген жаңа түзетулерді қолданды

Успен ауданы прокуратурасы ағымдағы жылдың екінші жартысында күшіне енген Әкімшілік құқық бұзушылық туралы кодекстің жаңа нормаларын қолданды.

ӘҚБтК-тың 173-бабының «Кәсіпкерлік қызметке заңсыз араласу» жаңа редакциясында субъектілердің аясы кеңейтілді: енді бұл тек мемлекеттік органдар ғана емес, сонымен қатар жергілікті атқарушы органдардың лауазымды адамдары, квазимемлекеттік сектор мен табиғи монополиялар субъектілері де қамтылады. Баптың санкциялары сараланған, сондай-ақ қайталап жасалған құқық бұзушылық үшін жауаптылық көзделген.

Жерді пайдалану құқығын беру бойынша өткізілген конкурсқа жүргізілген зандылықтың жай күйіне талдау барысында дауыс беру нәтижелеріне және жеңімпазды анықтауға әсер еткен заңсыз балл қою фактілері анықталды.

Белгілі болғандай, анықталған бұзушылықтар конкурс рәсімінің ашықтығына және қатысушылардың құқықтарына тікелей әсер еткен.

Қадағалау органы енгізген ұсынысты қарау нәтижесінде аудан әкімінің қаулысы заңсыз деп танылып, жер қатынастары бөлімінің басшысы ӘҚБтК-нің 173-бабы 1-бөлігі бойынша әкімшілік жауаптылыққа тартылды және оған 100 АЕК көлемінде айыппұл салынды.

Павлодар облысы прокуратурасының сайтына сілтеме: