Заң және тәртіп – есірткіге жол жоқ!

«Заң және Тәртіп» тұжырымдамасын іске асыру аясында Екібастұз қаласы прокуратурасымен «Екібастұз – SmartEnergyControl» жобасын бірлесіп жүзеге асыру туралы төртжақты меморандумға қол қойылды.

Жобаның негізгі мақсаты – есірткі қылмыстарына қарсы іс-қимыл жасау және есірткі таратушыларды анықтау бойынша интеллектуалды платформаны құру.

«Екібастұз халқына» қорының өкілдерімен бірлесіп «STOP наркотик» жобасын іске асыруға кірісіп, бірлескен профилактикалық іс-шаралар жоспары мен есірткі құралдарын тарату және жарнамалауға қарсы күресте көмек көрсеткен азаматтарды ынталандыру тәртібі талқыланды.

Есірткі құралдарының орналасқан жері туралы хабарламаларға, сондай-ақ оларды таратумен және дайындаумен айналысатын тұлғалар мен дайындау орындары туралы ақпаратқа 5 000-нан 500 000 теңгеге дейін сыйақы көзделген.

Есірткінің зияны туралы қаланың жоғары сынып оқушылары және колледж студенттерімен әңгіме жүргізілді.

Кездесу барысында есірткінің зиянды салдары, жалған терроризм және дропперлерді алаяқтық схемаларға тарту мәселелері талқыланып, осыған ұқсас қылмыстар үшін сотталған адамдардың қатысуымен түсірілген профилактикалық бейнероликтердің үзінділері көрсетілді.

Іс-шараға 250-ден астам мектеп оқушылары мен студенттер қатысты.

Павлодар облысы прокуратурасының сайтына сілтеме: