Павлодар облысында қылмыстық жазаларды орындайтын мекемелер мен органдарға жәрдемдесу жөніндегі комиссия жұмыс істейді

Павлодар облысында прокуратураның бастамасымен қылмыстық жазаларды орындайтын мекемелер мен органдарға жәрдемдесу жөніндегі Комиссия өз жұмысын бастады.

Жергілікті атқарушы органдардың барлығы осы жұмысқа тартылып, өңірдің қылмыстық-атқару жүйесі мекемелерімен белсенді өзара іс-қимыл жолға қойылды. Бұл – жазаларды орындау тиімділігін арттыру, сотталғандардың ұсталатын жағдайларын жақсарту және оларды табысты қайта әлеуметтендіруге жәрдемдесу мақсатында жүзеге асырылып отыр.

Комиссия қызметінің негізгі бағыттары – сотталғандарға жұмыс орындарын құру, босатылған кезде қолдау көрсету, білім беру және әлеуметтік бағдарламалар, қылмыстық-атқару жүйесі мекемелерінің инфрақұрылымын дамыту және қолдау.

Сондай-ақ қайталанатын қылмыстардың алдын алу үшін профилактикалық тетіктер белсенді енгізілуде. Комиссия аясында әлеуметтік бейімдеу, тәлімгерлік және бұрынғы сотталғандарды сүйемелдеу бойынша жобалар іске асырылуда.

Қылмыстық-атқару жүйесі мекемелері мен жергілікті атқарушы органдар арасындағы тиімді үйлестіру – тек ведомствоаралық тығыз өзара әрекеттесу арқылы ғана негізгі мақсатқа қол жеткізуге болатынын дәлелдейді. Бұл – әр адамға түзелуге және жаза өтегеннен кейін лайықты өмір сүруге мүмкіндік берілетін қауіпсіз әрі әділ қоғам құру.