Павлодар соты алимент төлемеу ісі бойынша үкім шығарды

Павлодар облысының прокуратурасы кәмелетке толмағандардың құқықтарын қорғау және алимент өндіру бойынша белсенді жұмысын жалғастыруда.

Прокуратураның үйлестіруімен алиментті қасақана төлемеген азаматқа қатысты Қылмыстық кодекстің 139-бабы бойынша қылмыстық іс қозғалды. Оның қарызы 7 миллион теңгеден асты.

Сот отырысы ашық түрде өтіп, көрсетілімдік сипатта болды. Процеске алиментті қасақана төлемеген бірқатар тұлғалар арнайы шақыртылып, өз міндеттерінен жалтарудың салдарын көзбен көрді.

Сот үкімімен айыпталушыға 6 ай мерзімге бас бостандығынан айыру жазасы тағайындалды.

Прокуратура кәмелетке толмаған балаларды асырауға арналған алименттерді төлемегені үшін Қылмыстық кодекстің 139-бабы бойынша 2 жылға дейін бас бостандығынан айыру жазасы көзделгенін еске салады.

 

Павлодар облысы прокуратурасының сайтына сілтеме: