Маңғыстау техникалық колледжіндегі жымқыру дерегі бойынша

Облыс прокуратурасы Маңғыстау техникалық колледжінің қызметінде тексеріс жүргізді.

Тексеріс нәтижесімен бас бухгалтермен 243 млн теңге көлемінде іс-сапар, шәкіртақы және салық міндеттемелері үшін көзделген қаражатты өзінің жеке шотына заңсыз аудару арқылы бюджет қаражатын жымқыру фактісі анықталды.

Осы факті бойынша ҚК-нің 189-бабы 4-бөлігі 2) тармақшасымен сотқа дейінгі тергеп-тексеру жүргізілуде.

Қылмыстық іс арнайы прокурордың өндірісінде, сот сараптамалары тағайындалды.

Басқа мәліметтер тергеу мүддесі үшін жария етілмейді.

 

#ЗАҢменТӘРТІП

                                                                                                           

 Маңғыстау облысының прокуратурасы