Қадағалау актісі бойынша жер қойнауын пайдаланушы 386 млн теңгеге айыппұл төледі

Маңғыстау облысының табиғатты қорғау прокуратурасы жер қойнауын пайдалану саласындағы заңдылықтың жай-күйіне талдау жүргізді.

Талдау нәтижесінде жер қойнауын пайдаланушы «Emir Oil» ЖШС келісімшарттық міндеттемелерді бұзғаны үшін Энергетика министрлігі салған айыппұлдарды төлемегені анықталды.

2017-2021 жылдары төленбеген айыппұлдардың жалпы сомасы 451 млн теңгеден астам.

Бүгінгі күні қадағалау актісін қарау аясында «Emir Oil» ЖШС сомасы 386 млн теңге құрайтын айыппұлдарды төледі.

 

Маңғыстау облысының прокуратурасы