Ашық сот процесі сабақ ретінде: Маңғыстауда оқушыларға есірткі қылмысының салдары көрсетілді

Түпқараған ауданы прокуратурасының бастамасымен аудандық сотта есірткінің заңсыз айналымына байланысты қылмыстық іс бойынша ашық сот процесі өтті.

Іс-шараға ауданның 30-дан астам оқушысы қатысты.

Жыл басынан бері Түпқараған ауданында «закладки» деп аталатын есірткі таратумен айналысатын үш азамат анықталды. Сот оларды Қылмыстық Кодекстің 297-бабы 3-бөлігінің 1), 3) тармақтары бойынша кінәлі деп таныды.

Алдын ала сөз байласу арқылы сотталғандар одан әрі өткізу мақсатында аса ірі мөлшерде психотроптық заттарды заңсыз сатқаны, сақтағаны және тасымалдағаны анықталды.

Сот үкімімен сотталушылардың бірі 8 жылға бас бостандығынан айырылды, қалған екеуі 7 жылға бас бостандығынан айырылды, жазасы орташа қауіпсіздік мекемелерінде өтелді.

Қылмыстық істер бойынша заңсыз айналымнан 129,86 грамм «меткатинон» психотроптық заты тәркіленді.

Сот процесіне қатысу оқушыларға есірткі қылмысы үшін жазаның бұлтартпастығын көруге мүмкіндік берді.

Мұндай іс-шараларды өткізу кәмелетке толмағандар арасындағы есірткі қылмысының алдын алуға, жастардың құқықтық сауаттылығын арттыруға және қоғамда есірткіден бас тартуды қалыптастыруға бағытталған.

 

#Закон_и_порядок

 

    Маңғыстау облысының прокуратурасы