«Игі іс» акциясы аясында 100 мұқтаж отбасыға атаулы көмек көрсетілді

Маңғыстау облысы прокуратурасының бастамасымен «Ізгі іс» әлеуметтік акциясы аясында өңірдегі аз қамтылған және көмекке мұқтаж отбасыларға атаулы әлеуметтік көмек көрсетілді.

Акцияның мақсаты – халықтың әлеуметтік осал топтарын қолдау, сондай-ақ өзекті әлеуметтік мәселелерді шешуде мемлекет, бизнес және жергілікті атқарушы органдардың күш-жігерін біріктіру.

Акцияны өткізуге қала және аудан әкімдері мен өңір кәсіпкерлері белсенді қатысып, қайырымдылық іс-шараларын ұйымдастыруға және өткізуге қолдау көрсетті.

Акция аясында әлеуметтік қолдауға мұқтаж өңірдің 100 отбасына атаулы көмек көрсетілді.

Бұл бағыттағы жұмыс алдағы уақытта да жалғасатын болады.

 

Маңғыстау облысының прокуратурасы