Ақтау қаласының прокуратурасы борышкерлердің жұмыспен қамтылуына жәрдемдесуде

Ақтау қаласы прокуратурасының бастамасымен қалалық мансап орталығында мемлекет алдында және алимент бойынша берешегі бар азаматтарды, сондай-ақ пробация қызметінің есебінде тұрған жұмыссыз азаматтарды жұмыспен қамтуға бағытталған бос жұмыс орындары жәрмеңкесі өткізілді.

Іс-шараның негізгі мақсаты – борышкерлерді жұмысқа орналастыру арқылы мемлекет алдындағы және алимент бойынша берешектердің өтелуіне ықпал ету, сондай-ақ оларға құқықтық көмек көрсету болды.

Жәрмеңкеге 15-тен астам кәсіпорын қатысып, түрлі сала бойынша 70-тен астам бос жұмыс орнын ұсынды. Іс-шараға шамамен 80 азамат қатысты.

Жәрмеңке қорытындысы бойынша 28 азамат тұрақты жұмысқа орналасуға ниет білдірді, тағы 15 азамат жұмыс іздеуші ретінде тіркелді.

Бұл бағыттағы жұмыс жалғасатын болады.

 

Маңғыстау облысының прокуратурасы