«Біздің қаһармандар»

Маңғыстау облысының прокуратурасы «Заңды құрметтейтін ұрпақ» жобасы шеңберінде мектепке дейінгі білім беру ұйымдары тәрбиеленушілерінің қатысуымен «Біздің қаһармандар» атты іс-шарасын өткізді.

Аталған іс-шара барысында өскелең ұрпаққа балаларға жақын әрі түсінікті кейіпкерлер — прокурор, полицей, өрт сөндіруші және дәрігер бейнелері арқылы қоғам қаһармандары таныстырылды.

Интерактивті әрі қолжетімді форматта балаларға отты пайдалану кезіндегі қауіпсіздік ережелері, жолда өзін қауіпсіз ұстау қағидалары, жеке бас гигиенасының негіздері, сондай-ақ бейтаныс адамдармен қарым-қатынас кезінде сақтық таныту қажеттілігі түсіндірілді.

Іс-шараның негізгі мақсаты — кәсіби қызметке деген сенім мен құрметті ерте жастан қалыптастыру.

Маңғыстау облысының прокуратурасы