Маңғыстау облысында жас ұрпақ арасында құқықтық мәдениетті қалыптастыруға бағытталған жобалар жүзеге асырылуда

Маңғыстауда облыс прокуратурасының бастамасымен мектеп оқушылары мен студенттердің құқықтық сауаттылығын арттыруға бағытталған іс-шаралар өткізілді.

Іс-шараға Бас прокуратураның Кадрлық жұмыс департамент бастығының орынбасары Айбар Ілияс, облыс прокуроры Серікқали Күшәлиев қатысты.

Ш. Есенов атындағы Каспий мемлекеттік технологиялар және инжиниринг университетінде заң мамандығының студенттері үшін «Болашақ прокуроры кеңістігі» прокурорлық бұрышы салтанатты түрде ашылды.

Осы алаңда студенттерге прокуратура органдарындағы қызмет ерекшеліктері, үміткерлерге қойылатын талаптар, Құқық қорғау органдары академиясына түсу тәртібі және кәсіби даму мүмкіндіктері түсіндірілді.

Сонымен қатар облыс прокуратурасының бастамасымен университет базасында TEDx форматындағы пікірталас клубы ашылды, бұл студенттерге мемлекеттік органдар өкілдерімен тікелей өзекті құқықтық және әлеуметтік мәселелерді талқылауға мүмкіндік беріп, сыни ойлау, дәлелдеу және қоғамдық өмірге қатысу дағдыларын дамытуға бағытталған.

Бағдарламаның жалғасы ретінде Ақтау қаласындағы №32 орта мектепте өңірдегі алғашқы мектептік Болашақ прокурорлар клубы ашылды.

Жоба мектеп оқушыларына бағытталған және заңға құрмет, азаматтық жауапкершілік, патриотизм және саналы құқықтық мінез-құлықты қалыптастыруға арналған.

Клубтың жұмысы аясында оқушылар үшін прокуратура органдарының қызметкерлерімен тұрақты кездесулер, тақырыптық дәрістер және құқықтық мәдениетті арттыру мен кәмелетке толмағандар арасында құқық бұзушылықтардың алдын алу шаралары ұйымдастырылатын болады.

Аталған жобаларды жүзеге асыру прокуратура органдары мен білім беру мекемелері арасындағы өзара әрекетті нығайтуға бағытталған және прокуратура органдарының кадрлық әлеуетін дамытуға үлес қосады деп күтілуде.

       #Заң_мен_тәртіп

 

                   Маңғыстау облысының прокуратурасы