Маңғыстау облысының прокуратурасы мен Түркия Бас консулдығы арасындағы халықаралық-құқықтық ынтымақтастық мәселелері талқыланды

Қазақстан Республикасы Президентінің ағымдағы жылғы шілдеде Түркия Республикасына ресми сапары барысында қол жеткізілген уағдаластықтарды жүзеге асыру аясында облыс прокуроры Серікқали Күшәлиев пен Ақтау қаласындағы Түркия Республикасының Бас консулдығының басшысы Сабри Альптекинмен кездесу өткізілді.

Тараптар адам құқықтарын қорғау, қылмыстық істер бойынша құқықтық көмек көрсету және іздеуде жүрген тұлғаларды экстрадициялау саласындағы ынтымақтастық мәселелерін талқылады.

Сондай-ақ өңірдің әлеуметтік-экономикалық дамуы үшін Түркия Республикасының қатысуымен инвестициялық және білім беру жобаларының маңызды рөлі атап өтілді.

Облыс прокуроры Серікқали Күшәлиев прокуратура органдарының өзара іс-қимылға ашықтығын атап өтті, өз кезегінде Түркия тарабы әріптестік пен бірлескен бастамаларды дамытуға дайын екендігін атап көрсетті.

Кездесу нәтижесінде өңірлік деңгейде халықаралық-құқықтық ынтымақтастықты одан әрі нығайту туралы келісімге қол жеткізілді.

 

Маңғыстау облысының прокуратурасы