22 февраля 2024

Азаматтардың еңбек құқықтарын қорғау бойынша қабылданып жатқан шаралар туралы

Бүгін облыс прокуроры Руфат Құттықовтың төрағалығымен халықты жұмыспен қамту саласындағы заңдылықтың сақталуы және еңбек жанжалдарының алдын алу бағытында қабылданатын шаралардың тиімділігі мәселелері бойынша үйлестіру кеңесінің отырысы өтті.

Үйлестіру кеңесінің жұмысына облыс әкімінің орынбасары, ЖАО, құқық қорғау органдарының және бірқатар мұнай-сервистік кәсіпорындардың басшылары қатысты.

Еңбек жанжалдарын шешу мақсатында облыс прокуратурасы жергілікті атқарушы және уәкілетті органдармен бірлесіп бірқатар шаралар қабылдауда.

Прокуратура, ЖАО, «ҚазМұнайГаз» АҚ және кәсіподақ орталығы арасында меморандум жасақталды, облыстың барлық кәсіподақтарымен өзара іс-қимыл жолға қойылды.

55 еңбек ұжымында 35 мың қызметкермен кездесулер өткізілді.

Соңғы 2 жылда 5 мыңнан астам азаматтардың еңбек құқығы қорғалды, қызметкерлердің пайдасына 197 млн теңге өндірілді.

Бірлескен күш-жігермен ереуілдердің динамикасын төмендетуге қол жеткізілді.

Бүгінгі таңда жұмыс берушілер мен кәсіподақ ұйымдарының еңбек даулары мен жанжалдарын шешудегі пассивтілігі, сондай-ақ жұмысшыларды толғандыратын белгілі бір мәселелер бойынша түсіндіру жұмыстарын әлсіз ұйымдастыруы ерекше назар аударуды талап етеді.

Облыс прокуроры Руфат Құттықов кадр саясатындағы ашықтықты, кезектілік пен тиісті біліктілікті ескере отырып, әділ жұмысқа қабылдауды қамтамасыз етудің ерекше маңыздылығын атап өтті.

Сонымен қатар облыс прокуроры заң үстемдігінің басымдығы мен барлық тараптардың еңбек заңнамасын сақтамағаны үшін жазаның бұлтартпастығын атап өтті.

Басқаша айтқанда, құқықтар мен міндеттерді еркін түсінуге жол берілмейді, заңдылықты жұмыс берушілер де, жұмысшылар да сақтау қажет.

Әрбір құқық бұзушы қатаң жазаға тартылады, бұл мәселені біз қатаң бақылайтын боламыз, - деді ол.

Ірі мұнай-сервистік ұйымдарының жұмыс берушілері қызметкерлермен қарым-қатынасты күшейтуге бағытталған және еңбек құқықтары бұзылған, сондай-ақ бос орындарды жасырған жағдайда құқықтық жауапкершілік туралы қатаң ескертілген.

Талқылау қорытындысы бойынша бірқатар пәрменді шаралар әзірленді, уәкілетті органдарға ведомствоаралық өзара іс-қимылды күшейту және жұмыссыздық деңгейін төмендету жөніндегі шаралар кешенін өзектендіру туралы тиісті тапсырмалар берілді.

 

Маңғыстау облысының прокуратурасы

19 февраля 2024

Прокурорлар Каспий теңізі бойындағы жер учаскесін заңсыз беру дерегін анықтады

Маңғыстау облысының прокуратурасы Каспий теңізінің жағалауы бойындағы 3,4 мың гектар жер учаскесін жеке тұлғаға заңсыз беру фактісін анықтады.

Кендерлі құмқайыры деп аталатын бұл учаске шығанақтың оңтүстік-шығыстан солтүстік-батысқа қарай 23 шақырымға созылатын облыстың басты көрікті жерлерінің бірі болып табылады.

Бастапқыда, 2007 жылы жер учаскесі «Маңғыстаумұнайгаз» АҚ-на сауықтыру кешенін салу үшін 3,1 млрд теңгеге сатылып, кейіннен «Гелиос» ЖШС-не 3,3 млрд теңгеге қайта сатылғаны анықталды.

Талдаумен аталған жер учаскесі ЖАО-мен ҚР Жер кодексінің талаптарын бұза отырып, заңсыз берілгені белгілі болды.

Атап айтқанда, жер комиссиясының отырысы өткізілмегені, сондай-ақ жер учаскесіне жерге орналастыру жобасы бекітілмегені анықталды.

Осылайша, жер учаскесін берудің жалпы тәртібі бұзылды (Жер Кодексінің 43-бабы).

Облыс прокуратурасының қадағалау актісінің негізінде уәкілетті орган сатып алу-сату шарттарын жарамсыз деп тану туралы сотқа талап-арыз енгізді.

Экономикалық соттың шешімімен талап қоюшының талаптары толық көлемде қанағаттандырылды (заңды күшіне енген жоқ).

Бүгінгі күнде жер учаскесінің кадастрлық құны 30 млрд теңгеден асады.

 

Маңғыстау облысының прокуратурасы

 

14 февраля 2024

Кәмелетке толмағандармен профилактикалық кездесу: құқық бұзушылықтардың алдын алу

А.ж. 13 ақпанында Ақтау қаласындағы №20 орта мектеп ғимаратында облыстың құқық қорғау органдары кәмелетке толмағандармен және жекелеген балалардың ата-аналарымен профилактикалық жиын өткізді.

Жиында облыс прокурорының орынбасары Б.Құлмағамбет, полиция департаменті бастығының орынбасары Б.Байгелді, наиб имам Б.Құрметхан, спорт өкілдері Б.Әбдірахман, Н.Мұңлықов сөз сөйледі.

Оған 2023 жылдың қазан айында қаланың 27-ші және 28-ші шағын аудандарының жасөспірімдері арасындағы топтық төбелестің 7 белсенді қатысушысы мен арандатушыларына қатысты тергеудің аяқталуы себеп болған.

Осындай жанжалдардың және басқа да құқық бұзушылықтардың алдын алу мақсатында кездесуге 14 пен 17 жас аралығындағы 100-ден астам жасөспірім шақырылды.

Құзырлы органдардың қызметкерлері заң нормаларын, оларды сақтамау салдарын түсіндіріп, тәжірибеден нақты мысалдар келтірді.

Өз кезегінде дін және спорт өкілдері өмірлік жағдаяттардан мысалдар келтіре отырып, жастарды дұрыс рухани және салауатты өмір салтын ұстануға шақырды.

   

Маңғыстау облысының прокуратурасы

 

               

06 февраля 2024

Прокуратура органдарына алғаш рет кіретін адамдар үшін алғашқы кәсіптік даярлыққа іріктеу өткізу туралы

 

Қазақстан Республикасының Бас прокуратурасы құқық қорғау қызметіне алғаш рет кіретін адамдар үшін алғашқы кәсіптік даярлыққа іріктеу жариялайды.

Іріктеу аудан/қала прокуратурасының прокуроры (C-RGP-5 санаты) лауазымдарына жүргізіледі, олардың функционалдық міндеттеріне заңда белгіленген шекте және нысандарда Қазақстан Республикасының аумағында заңдылықтың сақталуын жоғары қадағалауды жүзеге асыру, сотта мемлекет мүдделерін білдіру және мемлекет атынан қылмыстық қудалауды жүзеге асыру кіреді.

Ең төменгі жалақы – 164 052 теңге.

Іріктеуге қатысу үшін құжаттарды қабылдауды прокуратура органдарының аумақтық бөлімшелері (байланыс телефондары мен мекенжайлары төменде көрсетілген) 2024 жылғы 7 ақпаннан 7 наурызға дейін жүргізеді.

Алғашқы кәсіптік даярлыққа іріктеуге қатысу үшін үміткерлер:

1) мемлекеттік қызмет істері жөніндегі уәкілетті органда (құқық қорғау қызметінің лауазымдарына арналған тиісті бағдарлама бойынша) тестілеуден, оның ішінде жеке қасиеттерін бағалаудан өту;

2) құқық қорғау органдарының аумақтық бөлімшелеріне (түсу үшін жоспарланған органға) мынадай құжаттарды беру:

- белгіленген үлгідегі өтініш;

- Қазақстан Республикасы азаматының жеке басын куәландыратын құжаттың көшірмесі;

- білімі туралы құжаттардың көшірмелері, сондай-ақ Қазақстан Республикасының «Білім туралы» Заңына сәйкес нострификациялау немесе  тану рәсімінен өткенін растайтын құжаттар (шетелдік білім беру мекемелері берген дипломдар үшін, салыстыру үшін түпнұсқалары);

- жақын туыстарын, оның ішінде белгіленген нысан бойынша бұрынғы жұбайларын көрсете отырып, өз қолымен жазылған толық толтырылған өмірбаян;

- кез-келген аймақта қызмет етуге келісім беру туралы өтініш;

- әскери билет немесе тіркеу куәлігін тапсыруы қажет.

Құжаттардың толық емес тізбесін, сондай-ақ белгіленген мерзімді бұза отырып ұсыну іріктеуге қатыстырмау үшін негіз болып табылады.

 

Үміткерлерге қойылатын негізгі талаптар:

1. Қазақстан Республикасының азаматтығы.
2. 18 жастан бастап, бірақ 35 жастан аспауы қажет.
3. Жоғары заңгерлік білім.

 

Іріктеуге келесі тұлғалар қатыса алмайды:

1) заңда белгіленген тәртіппен әрекетке қабілетсіз немесе әрекет қабілеті шектеулі деп танылған;

2) құқық қорғау қызметіне тұрар алдында бір жыл ішінде қасақана құқық бұзушылық жасағаны үшін сот тәртібімен әкімшілік жаза қолданылған;

3) құқық қорғау қызметіне тұрғанға дейін үш жыл ішінде сыбайлас жемқорлық құқық бұзушылық жасағаны үшін сот тәртібімен әкімшілік жаза қолданылған;

4) қызметке тұрғанға дейін үш жыл ішінде қылмыстық теріс қылық жасағаны үшін соттың айыптау үкімі шығарылған немесе қызметке орналасқанға дейін үш жыл ішінде қылмыстық теріс қылық жасағаны үшін қылмыстық жауаптылықтан Қазақстан Республикасы Қылмыстық-процестік кодексінің 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде босатылған;

5) сыбайлас жемқорлық қылмыс жасаған;

6) сыбайлас жемқорлық құқық бұзушылық жасағаны үшін жұмыстан шығарылған;

7) бұрын сотталған не қылмыс жасағаны үшін Қазақстан Республикасы Қылмыстық-процестік кодексінің 35-бабының бірінші бөлігінің 3), 4), 9), 10) және 12) тармақтарының немесе 36-бабының негізінде көзделген қылмыстық жауаптылықтан босатылған, сондай-ақ мемлекеттік қызметтен, өзге де құқық қорғау органдарынан, арнаулы мемлекеттік органдардан, соттардан және әділет органдарынан теріс себептер бойынша шығарылған адам.

 

Алғашқы кәсіптік даярлыққа іріктеу келесі кезеңдерді қамтиды:

1) іріктеуге қатысуға ниет білдірген азаматтардан құжаттарды қабылдау;

2) прокуратура органының аумақтық бөлімшелерінде әңгімелесуден өту;

3) әскери-дәрігерлік комиссияларда медициналық және психофизиологиялық куәландырудан өту;

4) полиграфологиялық зерттеуден өту;

5) Қазақстан Республикасы Бас прокуратурасының жанындағы Құқық қорғау органдары академиясында (бұдан әрі - Академия) емтихан тапсыру.

Академиядағы емтихан кандидаттың емтихан билетінің қойылған үш сұрағына және Комиссия мүшелерінің қосымша сұрақтарына ауызша жауап беру нысанында өткізіледі.

Емтихан келесі пәндер мен нормативтік құқықтық актілер бойынша өткізіледі:

1) Қазақстан Республикасының Қылмыстық кодексі;

2) Қазақстан Республикасының Қылмыстық процессуалдық кодексі;

3) Қазақстан Республикасының Азаматтық кодексі;

4) Қазақстан Республикасының Азаматтық процестік кодексі;

5) Қазақстан Республикасының «Әкімшілік құқық бұзушылық туралы» кодексі;

6) Қазақстан Республикасының Еңбек кодексі;

7) Қазақстан Республикасының Әкімшілік рәсімдік-процестік кодексі.

 

Іріктеуден сәтті өткен үміткерлер Академияда алғашқы кәсіптік даярлықтан өтеді.

Алғашқы кәсіптік даярлық мерзімі:

6 ай (Академияда 5 ай оқу + бір айға дейін тағылымдама).

Алғашқы кәсіптік даярлықтан өту кезеңінде кандидаттар 40 532 теңге мөлшерінде стипендиямен қамтамасыз етіледі.

 

Алғашқы кәсіптік даярлықты табысты аяқтаған кандидаттар құқық қорғау қызметіне қабылданады, бұл ретте лауазымға тағайындау бір мезгілде сыныптық шен беріле отырып, сынақ мерзімінсіз жүргізілетін болады.

Кандидаттар құқық қорғау қызметіне тұру кезінде құқық қорғау қызметінде болуына байланысты шектеулерді және сыбайлас жемқорлыққа қарсы шектеулерді қабылдауға дайын болуға тиіс.

 

Құқық қорғау қызметінде болуына байланысты шектеулер:

Қызметкер:

1) өкілді органдардың депутаты және жергілікті өзін-өзі басқару органдарының мүшесі болуға, партияларда, кәсіптік одақтарда болуға, қандай да бір саяси партияны қолдауға, құқық қорғау органдары жүйесінде өз мүшелерінің еңбек, сондай-ақ басқа да әлеуметтік-экономикалық құқықтары мен мүдделерін білдіру және қорғау және еңбек жағдайларын жақсарту үшін олардың кәсіби мүдделерінің ортақтығына негізделген саяси мақсаттарды көздейтін қоғамдық бірлестіктер құруға;

2) педагогтік, ғылыми және өзге де шығармашылық қызметтен басқа, ақы төленетін басқа қызметпен айналысуға;

3) кәсіпкерлік қызметпен айналысуға, оның ішінде ұйымдық-құқықтық нысанына қарамастан коммерциялық ұйымды басқаруға қатысуға;

4) заңдарда көзделген жағдайларды қоспағанда, үшінші тұлғалардың істері бойынша өкіл болуға;

5) қызметтік емес мақсаттарда оның қызметтік жұмысын материалдық-техникалық, қаржылық және ақпараттық қамтамасыз ету құралдарын, басқа да мемлекеттік мүлік пен қызметтік ақпаратты пайдалануға;

6) ереуілдерді қоса алғанда, мемлекеттік органдардың қалыпты жұмыс істеуіне және қызметтік міндеттерін орындауға кедергі келтіретін іс-әрекеттерге қатысуға;

7) лауазымдық өкілеттіктерін орындауға байланысты жеке және заңды тұлғалардың қызметтерін жеке мақсатта пайдалануға;

8) өзінің қызметтік жағдайын пайдакүнемдік мақсатта, оның ішінде лауазымды және өзге де адамдармен сөз байласу жолымен пайдалануға;

9) өзінің жақын туыстары (ата-аналары, балалары, асырап алушылары, асырап алынған балалары, ата-анасы бір және ата-анасы бөлек аға-інілері мен апа-сіңлілері, аталары, әжелері, немерелері) немесе ері (зайыбы) атқаратын лауазымға тікелей бағынысты лауазымды атқаруға құқылы емес.

Қызметкер лауазымға кіріскеннен кейін бір ай ішінде құқық қорғау қызметін өткеру уақытында өзіне заңды түрде тиесілі ақшаны, облигацияларды, ашық және аралық инвестициялық пай қорларының пайларын, сондай-ақ мүліктік жалдауға берілген өзге де мүлікті қоспағанда, өзінің меншігіндегі коммерциялық ұйымдардың акцияларын (жарғылық капиталдағы қатысу үлестерін) және пайдаланылуы табыс алуға әкеп соғатын өзге де мүлікті Қазақстан Республикасының заңнамасында белгіленген тәртіппен сенімгерлік басқаруға беруге міндетті. Мүлікті сенімгерлік басқаруға арналған шарттар нотариалдық  куәландырылуы тиіс.

Қызметкердің сенімгерлік басқаруға берілген мүліктен, оның ішінде сыйақы, дивидендтер, ұтыстар, мүлікті жалға беруден және басқа да заңды көздерден табыс алуға құқығы бар.

Сыбайлас жемқорлыққа қарсы шектеулер:

• мемлекеттік функцияларды орындаумен сыйыспайтын қызметті жүзеге асыру;

2) жақын туыстардың, ерлі-зайыптылардың және жекжаттардың бірге қызмет етуіне (жұмысына) жол бермеу;

3) мүліктік және мүліктік емес игіліктер мен артықшылықтар алу немесе алу мақсатында ресми таратылуға жатпайтын қызметтік және өзге де ақпаратты пайдалану;

4) Қазақстан Республикасының заңдарында белгіленген жағдайларды қоспағанда, Қазақстан Республикасының заңнамасына сәйкес қызметтік міндеттерін орындауға байланысты сыйлықтар қабылдау.

 

Іріктеу тәртібі және алғашқы кәсіптік даярлықтан өту шарттары «Прокуратура органдарына, сыбайлас жемқорлыққа қарсы қызметке және экономикалық тергеу қызметіне кіретін адамдар үшін алғашқы кәсіптік даярлыққа іріктеудің және оны өткізу шарттарының, сондай-ақ оларды алғашқы кәсіптік даярлықтан шығару негіздерінің қағидаларын бекіту туралы» Бас Прокурордың 2020 жылғы 26 маусымдағы №80, Қазақстан Республикасы Қаржы министрінің 2020 жылғы 14 шілдедегі №675 және Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2020 жылғы 29 маусымдағы №199 бірлескен бұйрығымен реттеледі.

 

Академияның анықтама телефондары: 8-71-651-68-139, 8-778-672-66-24

Жұмыс күндері дүйсенбіден жұмаға дейін сағат 9:00-ден 13:00-ге дейін және 14:30-дан 18:30-ға дейін қоңырау шалу.

 

Емтихан сұрақтары Академияның сайтында орналасқан.

 

Іріктеуге құжаттар қабылдайтын құқық қорғау органдарының аумақтық бөлімшелерінің орналасқан мекенжайы және байланыс телефондары:

 

Прокуратура органдары:

№	Мекеме атауы	Байланыс телефоны	Почта мекен-жайы
1.	Астана қ. прокуратурасы	8 (7172) 71- 21- 12 8 (7172) 71- 24- 07 8 (7172) 71- 24- 16	п/и 010000 Астана қ. Қабанбай батыр даңғылы, 31
2.	Алматы қ. прокуратурасы	8(7272) 265-04-41	п/и 050000 Алматы қ. Желтоқсан көшесі,189
3.	Шымкент қ. прокуратурасы	8 (7252) 53-42-47	п/и 160000 Шымкент қ. Тәуке хан даңғылы, 97
4.	Алматы облысы прокуратурасы	8 (72772) 4-17-01	п/и 040800 Қонаев қ., Абай көш., 6
5.	Ақмола облысы прокуратурасы	8 (7162) 25-05-93	п/и 020000 Көкшетау қ. Біржан Сал көшесі, 45
6.	Ақтөбе облысы прокуратурасы	8 (7132) 90- 14-58 8 (7132) 90- 14-59	п/и 030000 Ақтөбе қ. Ө.Сейітов көшесі,6
7.	Атырау  облысы прокуратурасы	8 (7122) 27-08-01	п/и 060011 Атырау қ. А.Молдағұлова көшесі, 245
8.	Шығыс Қазақстан облысы прокуратурасы	8 (7232) 24-18-24	п/и 070004 Өскемен қ. Пермитин көшесі, 21
9.	Жамбыл облысы прокуратурасы	8 (7262) 45- 29- 41	п/и 080000, Тараз қ., М.Х.Дулати көшесі, 23
10.	Батыс Қазақстан  облысы прокуратурасы	8 (7112) 50 -33- 47	п/и 090000 Орал қ. Жұбан Молдағалиев көшесі, 23
11.	Қарағанды  облысы прокуратурасы	8 (7212) 35-35-95	и/п 100026 Қарағанды қ., Құрылысшылар даңғылы, 28а
12.	Қостанай  облысы прокуратурасы	8 (7142) 53-41-38 8 (7142) 54-94-86	п/и 110000 Қостанай қ., Алтынсарин көш., 118А
13.	Қызылорда  облысы прокуратурасы	8 (7242) 27-43-75	п/и 120001 Қызылорда қ., Нұрмақов көшесі, 1
14.	Маңғыстау  облысы прокуратурасы	8 (7292) 42-34-10 (вн.121)	п/и 130000 Ақтау қ., 15 ықшамаудан, 56/1
15.	Павлодар  облысы прокуратурасы	8 (7182) 31- 50- 82 31- 50- 80	п/и 140000 Павлодар қ., Лермонтов көшесі,3
16.	Солтүстік Қазақстан облысы прокуратурасы	8(7152) 46-14-87	п/и: 150000 Петропавл қ., Қазақстан Конституциясы көшесі 15
17.	Түркістан облысы прокуратурасы	8 (72533) 5-29-14 5-29-15	п/и 161200 Түркістан қ., Жаңа қала ш/а, 34 14/1 көше
18.	Бас көлік прокуратурасы	8 (7172) 71- 22- 20	п/и: 010000 Астана қ. Мәңгілік ел даңғылы, 14
19.	Абай облысының прокуратурасы	8 (7222) 56-89-13	п/и 071400 Семей қ., Панфилов көш.,69
20.	Жетісу облысының прокуратурасы	8 (7282) 24-17-81	п/и 040000 Талдықорған қ., Толебаев көш., 51
21.	Ұлытау облысының прокуратурасы	8 (7102)76-15-68 76-19-63	п/и 100600 Жезқазған қ., Гагарин көш., 44

 

 

 

 

Өтініш бланкісі

 

 

Құқық қорғау органының

аумақтық бөлімшесінің,

ведомствосының немесе

мекемесінің басшысына

_______________________

 

Өтініш

 

Маған __________________________

                Т. А. Ә. (бар болса, толық)

алғашқы кәсіби даярлыққа іріктеуге қатысуға рұқсат беруіңізді сұраймын.

Алғашқы кәсіптік даярлыққа іріктеу шарттарымен және тәртібімен таныстым, келісемін және оларды орындауға міндеттенемін.

 

Келесі құжаттарды ұсындым:

1. _________________________
2. _________________________
3. _________________________
4. _________________________
5. _________________________
6. _________________________
7. _________________________

 

Ұсынылған құжаттардың түпнұсқалығын растаймын.

 

 

(Қолы)

А.Т.Ә. (болған кезде)

"____" _______________ 20____ж.

 

 

 

 

 

 

 

 

 

 

 

ӨМІРБАЯН

 

Өмірбаянды кандидат өз қолымен, еркін түрде, шимайсыз және түзетулерсіз, төмендегі мәліметтерді міндетті түрде көрсете отырып жазады: Автобиография пишется кандидатом собственноручно, в произвольной форме, без помарок и исправлений, с обязательным указанием следующих сведений: - тегі, аты, әкесінің аты, туған күні мен жері, ұлты, ана тілі, тағы қандай тілдерді біледі; - фамилия, имя, отчество, дата и место рождения, национальность, родной язык, какими языками еще владеет;  - қашан, қайда, қандай оқу орындарында оқыды, білімі бойынша мамандығы; - когда, где, в каких учебных заведениях учился, специальность по образованию;  - кәсіпорынның, мекеменің немесе ұйымның толық атауы мен мекенжайы, бір жұмыстан басқа жұмысқа ауысу себебі көрсетіле отырып, кім болып, қашан және қайда жұмыс істеді, тәртіптік, материалдық немесе қоғамдық ықпал ету шаралары қолданылды ма (қашан, кім қолданды, не үшін, ықпал ету шарасы); - кем, когда и где работал с указанием полного наименования и адреса предприятия, учреждения или организации, причины перехода с одной работы на другую, применялись ли меры дисциплинарного, материального или общественного воздействия (когда, кем, за что, мера воздействия); - әскери міндеттілікке қатысы, міндетті әскери қызметке қашан және қандай әскери комиссариат шақырды (егер шақырылмаса, себебі көрсетілсін), қандай әскери бөлімдерде (нөмірлері көрсетілсін) және кім болып қызмет өткерді, Қарулы Күштерден запасқа қашан және қандай лауазымнан босатылды, әскери атағы; - отношение к воинской обязанности, когда и каким военкоматом призван на действительную военную службу (если не призвался, указать причину), в каких воинских частях (указать номера) и в качестве кого проходил службу, когда и с какой должности уволен в запас Вооруженных Сил, воинское звание; - отбасы жағдайы, қашан некеге тұрды, әйелінің (ерінің) тегі, аты, әкесінің аты, туған күні мен жері, ұлты, жұмыс орны мен лауазымы, тұрғылықты жері; кандидат пен оның әйелінің (ерінің) жақын туысқандары; әкесі, шешесі, аға-інілері, апа-қарындастары (сіңлілері) мен балалары, сондай-ақ бұрынғы әйелдері (ерлері) және олардың жақын туысқандарына қатысты осындай мәліметтер, ажырасу себептері көрсетіле отырып, некені бұзу туралы куәліктерінің нөмірлері, оларды қандай орган және қашан берді; егер кандидат, оның әйелі (ері) немесе жақын туысқандары тегін, атын, әкесінің атын өзгерткен болса, онда олардың бұрынғы анықтамалық деректері көрсетіледі, туысқандарынан кім ішкі істер органдарында немесе ішкі әскерлерде қызмет етеді (туысқандық дәрежесі, тегі, аты, әкесінің аты, қайда, лауазымы, арнайы немесе әскери атағы); - семейное положение, когда вступил в брак, фамилия, имя, отчество, дата и место рождения, национальность; место работы и должность, место жительства жены (мужа); такие же сведения на близких родственников кандидата и его жены (мужа); отца, мать, братьев, сестер и детей, а также на бывших жен (мужей) и их близких родственников с указанием причин развода, номера свидетельств о расторжении брака, когда и каким органом оно выдано; если кандидат, его жена (муж) или их близкие родственники изменяли фамилию, имя, отчество, то указывается и их прежние установочные данные; служит ли кто из родственников в органах внутренних дел или во внутренних войсках (степень родства, фамилия, имя, отчество, где, должность, специальное или воинское звание); - кандидат, оның әйелі (ері) немесе жақын туысқандарынан біреу шетел азаматтығында тұрды ма (кім, туысқандық дәрежесі), олардың ішінде кім шетелде болды (қашан, қайда, қандай мақсатпен) немесе тұрақты тұруға шетелге шығу үшін өтініш білдірді (қашан, қандай себеппен), шетелдерде тұратын туысқандары бар ма (тегі, аты, әкесінің аты, туысқандық дәрежесі, немен айналысады, қайда тұрады), олармен байланыс қалай іске асады;  - состоял ли кандидат, его жена (муж) или кто-нибудь из их родственников в иностранном гражданстве (кто, степень родства), кто из них был за границей (когда, где, с какой целью) или ходатайствовал о выезде за границу на постоянное место жительства (когда, по какой причине), имеются ли родственники, проживающие за границей (фамилия, имя, отчество, степень родства, род занятий, где проживают), в чем выражается связь с ними;  - кандидат, оның әйелі (ері) немесе олардың жақын туысқандарынан біреу қылмыстық не әкімшілік жауаптылыққа тартылған ба (қашан, не үшін, жазалау шарасы);  - привлекался ли кандидат, его жена (муж) или кто-либо из их близких родственников к уголовной или административной ответственности (когда, за что, мера наказания);  - соңғы жұмыс орны мен лауазымы, тұрғылықты жері, егер бір жерден екінші жерге көшуге тура келсе, бұрынғы тұрғылықты жерлері көрсетіледі.  - место последней работы и должность, место жительства, если приходилось переезжать с одного места жительства на другое, то указываются прежние места жительства.

ӨМІРБАЯН АВТОБИОГРАФИЯ _____________________________________ (тегі, аты, әкесінің аты / фамилия, имя, отчество) ______________________________________________________________________________________________________________________________________________ ______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ __________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ __________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ ___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ __________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

 

_______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

 

 

02 февраля 2024

Маңғыстау облысында инвесторлар үшін кедергілер алынып тасталды

Прокурорлық қадағалаумен Ақтау қаласының әкімдігі инвестор «Алға Ақтау» ЖШС-не жерге рұқсат беру кезінде мерзімдерді негізсіз созбалаңға салу дерегі анықталды.

Прокуратураның қалалық әкімдікке қадағалау актісін енгізе отырып араласуынан кейін инвестор жер учаскесіне тиісті қаулы шығарылып, қалалық әкімдіктің кінәлі қызметкерінің тәртіптік жауаптылығы шешілді.

Осындай заңдылықты бұзушылықтар басқа да инвесторларға қатысты орын алған.

Басқа жағдайда, қала әкімдігі «Жанарыс» ЖШС-де тиісті құжаттардың болуына қарамастан (сәулет-жоспарлау тапсырмасы, эскиздік жоба және т.б.), жеткілікті рұқсат құжаттарының болмау фактісі бойынша тексеріс ашуға бастамашылық жасаған.

Қазіргі уақытта бұл тексеру заңсыз деп танылып, лауазымды тұлғалардың жауапкершілігі туралы мәселе шешілуде.

Осылайша, прокуратура 400 орындық мектеп, 150 балаға арналған балабақша және арнайы киім тігу өндірістік цехін салу бойынша жобалар одан әрі іске асыруға ықпал етті.

Аталған объектілерге салынған инвестициялардың жалпы сомасы 600 млн. теңгеден асады.

Инвесторлардың құқықтарын қорғау жөніндегі жұмыс тұрақты бақылауда.

 

Маңғыстау облысының прокуратурасы

 

 

 

01 февраля 2024

Пайдаланылмайтын жер учаскелерін мемлекетке қайтару туралы

Облыс прокуратурасы тұрақты негізде нысаналы мақсатына сай пайдаланылмайтын жер учаскелерін анықтау мақсатында талдау жүргізуде.

Атап айтқанда, прокурорлық қадағалау шаралары бойынша ағымдағы жылы Қарақия ауданындағы, Каспий теңізінің жағалауында орналасқан құны 1,1 млрд. теңге, ауданы 696,8 га құрайтын 3 учаскелер игерілмегені үшін мемлекетке қайтарылды.

Одан бөлек, талдау нәтижесімен Ақтау қаласының аумағында мемлекеттік меншіктегі жер учаскелерін заңсыз пайдаланудың  61 дерегі анықталды.

Одан бөлек, облыс бойынша 57 ШҚ-мен 44 850 га құрайтын ауыл шаруашылығы мақсатындағы жерлерді ұтымсыз пайдалану фактілері анықталды.

Өз кезегінде, ауыл шаруашылығы жануарларының саны айылымдардың жалпы алаңына шекті рұқсат етілген жүктеме нормасына (20% - ға аз) сәйкес келмей, жер учаскелері пайдаланылмаған.

Осыған орай, кінәлілерді әкімшілік жауаптылыққа тарту және жер учаскелерін мемлекет меншігіне қайтару мақсатында облыс прокуратурасымен прокурорлық қадағалау актісі енгізілді.

Бұл бағыттағы жұмыс жалғасуда.

 

Маңғыстау облысының прокуратурасы

30 января 2024

Прокурорлар 2000 астам азаматтың еңбек құқығын қорғады

Мұнайлы ауданының прокуратурасы білім беру мекемелерінің 2000-нан астам жұмысшылардың, оның ішінде 6 мүмкіндігі шектеулі тұлғалардың конституциялық (еңбек) құқықтарын қорғады.

Талдау барысында аталған тұлғалардың еңбек шарттарында еңбек заңнамасының талаптарына қайшы жұмыс уақыты мен демалыстың ұзақтығы көрсетілмегені анықталды.

Мысалы, Еңбек кодексінің 69-бабына сәйкес мүгедектігі бар жұмыскерлерге аптасына 36 сағаттан аспайтын жұмыс уақытының қысқартылған ұзақтығы белгіленеді, бұл талаптарды бұза отырып 6 мүмкіндігі шектеулі тұлғаларға 8 сағаттық жұмыс кестесі бекітілген.

Осы факті бойынша Маңғыстау облысының еңбек инспекциясына прокурорлық қадағалау актісі енгізілді.

Қазіргі уақытта барлық заң бұзушылықтар жойылды, аудандық білім бөлімінің басшысы әкімшілік жауаптылыққа тартылды.

 

Маңғыстау облысының прокуратурасы

 

 

 

 

26 января 2024

Маңғыстау облысы прокуратурасы органдарының өткен жылғы жұмысының қорытындылары туралы

2023 жылы басынан бері қоғамдық мүдделерді қорғау саласында прокурорлар  89 мыңнан астам адамның құқықтарын қорғап,  оның ішінде 30 мың адамның конституциялық құқықтары қалпына келтірілді.

Экономикалық мүдделерді қорғау саласында қадағалау актілері негізінде мемлекет кірісіне 1,7 млрд теңге өндірілді.

Қадағалау актілері бойынша мемлекетке 9 млрд теңге сомасына мүлік қайтарылды, бұл негізінен олигополия субъектілеріне тиесілі мүлік.

Атап айтқанда, ауданы 80 мың га 115 жер телімі қайтарылды, оның ішінде. «Олигополия субъектілеріне тиесілі Каспий теңізінің бойындағы алтын учаскелер»

Тығыз құрылыс бойынша ауқымды жұмыс жүргізілді, прокурорлық қадағалау шаралары бойынша сот арқылы 32 заңсыз нысан бұзылды, үлескерлердің ақшасын заңсыз тартқан үшін 35 құрылыс салушы айыппұл ретінде әкімшілік жауаптылыққа тартылып, 5 құрылыс салушыны құрылыс-монтаж жұмыстарына лицензиясынан айырылды.

Құрылыс нормаларын бұзғаны үшін құрылыс салушылардың 17 инженерлік қызметтеріне 6 айға қызметті тоқтату түрінде шаралар қабылданды.

5 млрд теңге сомасына заңсыз сатып алулар жойылды, 200-ден астам тапсырыс беруші әкімшілік жауаптылыққа тартылды.

500 млн теңгеден астам бюджет қаражатын ұрлау фактілері анықталып, 5 бойынша сотқа дейінгі тергеп-тексеру бойынша түпкілікті процессуалдық шешімдер қабылданып, тұлғалар кінәлі деп танылып, сот үкімі шығарылды.

2,5 мың кәсіпкердің құқықтары қорғалды, олардың шоттарына кінәлі лауазымды тұлғаларға қатысты шаралар қабылдай отырып, орындаған міндеттемелері үшін шамамен 1 млрд. теңге түсуі қамтамасыз етілді.

Жергілікті атқарушы және уәкілетті органдармен бірлесіп жалпы сомасы 100 млрд теңгеге 7 инвестордың мәселелері оң шешімін тапты.

Кәмелетке толмағандар арасындағы профилактикалық жұмыс аясында «Прокурор тәрбиесі» пилоттық жоба іске асырылуда.

Әр мектепке жауапты прокурор тағайындалып, девиантты мінез-құлқы бар қосымша 6 мың оқушы анықталып, олармен тығыз жұмыс жүргізілуде.

Қадағалау қызметі аясында 50 мың баланың құқығы қорғалды.

Қабылданған прокурорлық қадағалау шараларымен алимент бойынша 43 млн. теңгеге берешек өндірілді, 75 борышкер әкімшілік жауаптылыққа тартылды, 58 қасақана төлемеушіге қатысты сотқа дейінгі тергеу басталды, оның 44  бойынша үкім шығарылды.

Облыстағы криминогендік жағдайды жақсартуға да көңіл бөлінуде, облыс бойынша өткен кезеңде қылмыс деңгейі 16,7%-ға төмендеді.

Үш буынды модельді енгізу шеңберінде прокурорлармен 8 мыңнан астам процестік шешімдер тексерілді.

Осы жылдың басынан бастап прокурорлар аса ауыр қылмыстар бойынша 59 айыптау актісін жасады.

Өткен кезеңде прокурорлық ден қоюдың арқасында азаматтардың конституциялық құқықтарының бұзылуы 73,3%-ға (45-тен 12 адамға дейін) азайды.

Прокурорлардың бастамасы бойынша 53 адамға қатысты сот үкімдері мен қаулылары заңға сәйкес қалпына келтірілді (апелляциялық өтініштермен – 41, кассациялық наразылық - 12), 8 сотталушының жағдайы жақсарды, пробация қызметінің 59 есепке алынған тұлғалар жұмысқа орналастырылды.

       

Маңғыстау облысының прокуратурасы

26 января 2024

Жер қойнауын пайдалану саласындағы тексеріс нәтижелері туралы

Маңғыстау облысының мамандандырылған табиғат қорғау прокуратурасы жергілікті атқарушы органдардың қызметіне жер қойнауы және жер қойнауын пайдалану туралы заңнаманың сақталуына тексеру жүргізді.

Тексеру барысында, жекелеген жер қойнауын пайдаланушылардың (кең таралған пайдалы қазбаларды өндіруге құқығы бар) облыстың әлеуметтік-экономикалық дамуына аударымдар; қазақстандық қызметкерлерді оқыту; тарату қорын толықтыру; қол қою бонусын төлеу сияқты келісімшарттық және лицензиялық міндеттемелерді орындамау фактілері анықталды.

Берешектің жалпы сомасы 400 млн. теңгеден асты.

Мысалы, жер қойнауын пайдаланушы «Д.А.Б.» жүйелі түрде 4 жыл бойы (2019-2022 жж.) Маңғыстау облысының әлеуметтік–экономикалық дамуына жалпы сомасы 9 млн. теңгеге аударым жүргізбеген.

Осыған ұқсас фактілер іс жүзінде барлық жер қойнауын пайдаланушыларда анықталды.

Қабылданған прокурорлық қадағалау шараларымен бүгінгі таңда мемлекет кірісіне 50 млн теңгеден астам қаражат өндірілді, 7 жер қойнауын пайдаланушының кең таралған пайдалы қазбаларды өндіруге лицензиялары қайтарып алынды.

Берешекті өндіріп алу жұмыстары, соның ішінде сот тәртібімен жалғасуда.

 

Прокуратура Мангистауской области

25 января 2024

Cотталғандар мен қамаудағылардың қауіпсіздігін қамтамасыз ету мәселесі бойынша

Мемлекет басшысының тапсырмасына сәйкес облыс бойынша Қылмыстық-атқару жүйесі мекемелерінде «жаппай бейнебақылау» жүйесін қамтамасыз ету іске асырылды.

Бүгінге мекеме әкімшілігімен сотталғандар мен қамаудағылардың күнделікті жүріс-тұрысын, қауіпсізідігін, мінез-құлқын бақылау үшін және оларға қарсы азаптаулар немесе өзге де құқыққа қарсы әрекеттерге жол бермеу мақсатында 697 бірілік цифрлық бейне камералар орнатылып (қоныс колониясы -131, тергеу изоляторы -566), тәулік бойы бақылау ұйымдастырылған.

Орнатылған бейне камераларға облыс прокуратурасымен күнделікті қашықтықтан мониторинг жүргізілуде.      

Өткен жылдың нәтижесімен мекемеге тыйым салынған заттардың өткізуі 78%, қамаудағы мен сотталғандар арасында құқық бұзушылықтар 16% төмендеп, азаптау фактілері орын алмаған.

Бейнебақылау көмегімен ұялы телефон пайдаланудың 7 фактісі, 32 гр. астам есірткі заттарды сырттан лақтыру дерегі анықталды және тыйым салынған затты өткізбекші болған 5 тұлға ұсталды.

Сонымен қатар мекемелерде қолжетімді жерлерге сотталғандармен электронды өтініштер беру үшін 7 терминал орнатылды (қоныс колониясы -5, тергеу изоляторы -2).

Жаза орындау мекемелерінде жаппай орнатылған бейне бақылау жүйесі сотталғандардың күнделікті жүріс-тұрысын, қауіпсіздігін, құқықтарының бұзылуына және жазаны өтеу тәртібін бұзуының алдын-алу және жолын кесуге көмегін тигізуде.

 

Маңғыстау облысының прокуратурасы