«Таза Қазақстан» акциясы аясында заңсыз қоқыс орындары жойылды

Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясы аясында Қызылорда облысының прокуратурасымен қала аумағында рейдтік іс-шаралар өткізді.

Рейд барысында бірқатар аумақтарда заңсыз тұрмыстық қатты қалдықтар орналастырылған орындар анықталып, заңсыз қоқыс үйінділерін жою жұмыстары ұйымдастырылды.

Нәтижесінде, арнайы мекемелердің техникасы мен қызметкерлері жұмылдырылып, анықталған аумақтарда тазалау және қалдықтарды шығару жұмыстары жүргізілді.

Азаматтарды қоршаған ортаны қорғауға жауапкершілікпен қарап, тұрмыстық қалдықтарды белгіленген орындарға тастауға және туған өлкенің тазалығын сақтауға шақырамыз.

 

Қызылорда облысының прокуратурасы