Қызылордада кәмелетке толмағандар арасында құқық бұзушылықтың алдын алу бағытында акция өткізілуде

        Акцияның негізгі мақсаты – құқық бұзушылықты жасауға бейім жасөспірімдерді анықтау, міндеттерін тиісті түрде орындамайтын ата-аналармен профилактикалық жұмыстарды жүргізу және оқушылардың құқықтық сауаттылығын арттыру.

        Осының аясында прокурорлар 200-ден астам білім беру ұйымын қамтып, нәтижесінде құқық бұзушылыққа бейім 545 оқушы (70 кәмелетке толмағанды полицияның, 475 мектепішілік есепке қоюға жұмыстар жүргізілуде) мен өз міндеттерін тиісінше орындамаған 62 ата-ана анықтады.

        Сонымен қатар түнгі уақытта заңды өкілінсіз жүрген 210 баланың ата-анасы әкімшілік жауапкершілікке тартылды.

        Полиция есебінде тұрған 70 жасөспірімге тәрбиелік мақсатта жазаны өтеу орындары көрсетіліп, сондай-ақ оларға қатысты көрнекі сот процестері ұйымдастырылды.

        Кәмелетке толмағандардың құқықтарын қорғау прокурорлардың басты назарында.

        Қазіргі таңда акция жалғасуда.