Меңдіқара ауданы прокуратурасымен бюджет қаражатының ұрланғаны анықталды

Аудандық прокуратурамен 2023 және 2024 жылдарға арналған ішкі еңбек нарығын қорғауға, жұмыспен қамтуға жәрдемдесуге, сондай-ақ жұмыссыздар мен өзін-өзі жұмыспен қамтығандарды өнімді жұмыспен қамтуға бағытталған бюджеттік қаражатты жұмсаудың заңдылығын сақтау мәселесі бойынша тексеру жүргізілді.

2023 жылдың мамыр айында қоныс аударушы Ж. мемлекеттік субсидияларды пайдалана отырып, Сосновский ауылдық округінің Приозерное ауылынан пәтер сатып алғандығы анықталды.

Тексеріс барысында аталған адамның бұл мекен-жайда тұрмайтыны, бірақ іс жүзінде осы ауылдық округтегі Харьковское ауылында тұратыны анықталды. Визуалды тексеру кезінде үйдің жарияланған құнына сәйкес келмейтіні және өмір сүруге жарамсыз екені анықталды. 

Ж-ның әрекетінде жалған әрекеттер белгілерінің болуына байланысты аталған фактіні аудандық прокуратураның АЕК-ке тіркеу туралы шешім қабылданды.

Аталған материал процестік шешім қабылдау үшін Қазақстан Республикасы Қылмыстық кодексінің 190-бабының 1-бөлігіне (алаяқтық) сәйкес СДТБТ тіркеу үшін аудандық полиция бөліміне жолданды.

Сотқа дейінгі тергеу аясында куәгерден (үйді сатқан адам) жауап алу кезінде ол үйді 350 000 теңгеге сатқанын, ал 4 000 000 тенгені (субсидия) Ж-ның нұсқауы бойынша кейіннен оған көрсеткен банк шоттарына аударғандығын түсіндірді. Сондай-ақ банктердің сертификаттары қаражаттың жылжымайтын мүлік сатушысына аударылмағанын растады.

10.07.2024 жылы Меңдіқара аудандық сотының үкімімен Қылмыстық кодекстің 190-бабының 3-тармағының 1) тармағына сәйкес қылмыс жасағаны үшін Ж кінәлі деп танылып, 3 жылға бас бостандығынан шектелді, сонымен бірге үкім бойынша аудан әкімдігінің пайдасына 4 000 000 теңге көлеміндегі материалдық шығынды өндіріп алу туралы талап қанағаттандырылды.

Үкім заңды күшіне енді.

 

"Заң мен тәртіп"

Меңдіқара ауданының прокуратурасы