Қостанай облысының прокуратурасымен инвесторға көмек көрсетілді

Мемлекет басшысының тапсырмаларын орындау мақсатында Қостанай облысының прокуратурасымен жалпыұлттық пулға кіретін 36 өңірлік инвестициялық жобаны сүйемелдеу бойынша жұмыс ұйымдастырылды.

Ағымдағы жылы облыс прокуратурасының қолдауымен жалпы инвестиция көлемі 416 млрд теңгені құрайтын инвесторлардың 7 проблемалық кейсі оң шешілді.

Мысалы, инвестор «KamLit KZ» ЖШС үш нысанда іске қосу-реттеу жұмыстары үшін газды қосу проблемасына тап болды (жүк автомобильдеріне арналған шойын құю зауыты, жетекші көпірлердің басты берілістерін өндіру зауыты және жүк техникасының жетекші көпірлерінің арқалықтарын тереңдетіп оқшаулау жобасы), жобалардың жалпы құны 238 млрд теңгеден асады, оларды іске асыру кезінде 1150 жұмыс орны құрылады.

«QazaqGaz Aimaq» АҚ филиалы өкілдерінің қатысуымен Фронт-офис жұмысы шеңберінде облыс прокуратурасын үйлестіру кезінде инвестордың мәселесі шешілді.

Мәселелерді жедел шешу инвесторға жобаларды іске асыруды жалғастыруға мүмкіндік берді.

Сондай-ақ, егер сіз инвестор болсаңыз және жобаларды іске асыруда проблемаларыңыз болса, прокуратура қызметкерімен байланысып, прокуратураның кәсіпкерлер мен инвесторлардың құқықтарын қорғау жөніндегі Call-орталығы (байланыс нөмірі +701 855 87 06) немесе Қостанай облысы прокуратурасының Фронт-офисі (Алтынсарин көшесі, 118А) арқылы құқықтық кеңес ала алатыныңызды хабарлаймыз.

 

Қостанай облысының прокуратурасы