Ветеринариялық заңнаманы сақтау туралы

Қостанай облысының табиғат қорғау прокуратурасы талдау барысында ветеринариялық қызметтің бұзылуын анықтады.

Жалған вакцинациялаудың, ресми есептілікте ауруларды жасырудың, вакциналарды пайдалану және сақтау тәртібін бұзудың жүйелі фактілері анықталды.

Ауыл шаруашылығы жануарларын жалған вакцинациялаудың 4 мың фактісі анықталды.

Мысалы, Қостанай ауданының ветеринариялық пунктінің ресми актісіне сәйкес Ш. азаматтың вакцинамен 727 бас ұсақ мал егілді, ал бұл адамда қандай да бір мал жоқ.

Жітіқара ауданында О. азаматында 1 ІҚМ басы кәдеге жаратылды, алайда ақпараттық базаның мәліметтері бойынша осы жануарға түрлі ауруларға 10-нан астам зерттеу жүргізілді.

Жалған вакцинация фактілері Қостанай және Лисаков қалаларында, сондай-ақ Алтынсарин, Әулиекөл, Қостанай, Науырзым және Ұзынкөл аудандарында анықталды.

Ауыл шаруашылығы жануарларын есепке алу және сәйкестендіру мәселелерінде статистикамен манипуляция анықталды, ІҚМ – 3,8%, ұсақ мал – 2,8%, жылқы – 2,8%, шошқа – 40% санында алшақтық анықталды.

Аталған бұзушылықтар бойынша 15 қадағалау актісі енгізілді, кінәлі тұлғалар жауапқа тартылды.

 

Қостанай облысының прокуратурасы