Отбасылық құндылықтар мен ұжым бірлігі: Қостанай облысының прокуратурасында тимбилдинг өтті

Қостанай облысының прокуратурасында Отбасы күніне орай «Отан – отбасынан басталады» атты отбасылық тимбилдинг өтті.

Іс-шараға облыс прокуроры, прокуратура қызметкерлері және олардың отбасы мүшелері қатысты. Ерекше көңіл-күйді қызметкерлердің балалары қалыптастырды. Олар ата-аналарымен бірге спорттық және топтық сайыстарға белсене қатысты.

Қатысушылар түрлі эстафеталар мен спорттық сайыстарға қатысып, тек жылдамдық пен ептілікті ғана емес, өзара көмек, қолдау және бірлесе жұмыс істей білуді де көрсетті. Жарыстарға ересектермен қатар балалар да үлкен қызығушылықпен қатысты.

Іс-шараның басты мақсаты – отбасылық құндылықтарды нығайту және ұжымдық іс-қимылды өзара дамыту. Өйткені берік ұжымның негізі болып табылатын өзара түсіністік, құрмет пен қолдау ең алдымен отбасында қалыптасады.

Қостанай облысының прокуроры Марат Сексембаев атап өткендей, берік ұжым өзара құрмет пен қолдаудан басталады:

«Отан – отбасынан басталады. Дәл отбасында өмірдегі ең маңызды құндылықтар – құрмет, жауапкершілік, өзара көмек және бір-біріне деген қамқорлық қалыптасады. Біз үшін қызметкерлердің тек отбасында ғана емес, сонымен қатар үлкен кәсіби отбасының бір бөлігі болып табылатын ұжымда да қолдауды сезінуі маңызды».

Мұндай іс-шараларды өткізу отбасылық дәстүрлерді нығайтуға, ұжымда қолайлы ахуал қалыптастыруға және ұжымдық іс-қимылды өзара дамытуға ықпал етеді.

Қызметкерлер мен олардың отбасыларының бірге уақыт өткізуі бір-бірін жақынырақ тануға, өзара түсіністікті нығайтуға және біртұтас ұжымның мүшесі екенін сезінуге мүмкіндік береді.

Отбасы және ұжымның бірлігі – өзара сенім, қолдау және тиімді жұмыстың негізін қалыптастыратын басты құндылықтар.

Қостанай облысының прокуратурасы