Қостанай облысында жаңа Конституцияның іске асырылуын талқылады
Облыс прокуроры Марат Сексембаевтың төрағалығымен Парламент Мәжілісінің депутаты Абзал Құспанның, құқық қорғау, арнаулы, мемлекеттік және өкілді органдардың, жоғары оқу орындарының басшыларының, сондай-ақ азаматтық қоғам өкілдерінің қатысуымен елдің Негізгі Заңының новеллаларын іске асыру, азаматтардың құқықтарын қорғау мәселелері және өңірдегі "Заң мен тәртіп" идеологиясын ілгерілету нәтижелері бойынша диалог алаңы өткізілді.
Іс-шараға қатысушыларға арнаған сөзінде Марат Сексембаев жаңа Конституцияның кіріспесінде "Заң мен Тәртіп" қағидатын бекіту оған іргелі Конституциялық қағидат мәртебесін беретінін, қоғамның құқықтық санасын нығайтуға, азаматтық жауапкершілікті арттыруға және қауіпсіз және әділ ортаны қалыптастыруға ықпал ететінін атап өтті.
2026 жылғы 1 шілдеден бастап күшіне енетін елдің Негізгі Заңының ережелерін іске асырудың маңыздылығын атап өтіп, облыс прокуроры қатысушыларды өңірдегі қылмыс деңгейін төмендетудің оң динамикасы, құқық бұзушылықтардың алдын алу, азаматтардың құқықтарын қорғау жөніндегі жұмыстың нәтижелері және облыс прокуратурасы қабылдайтын үйлестіру шаралары туралы хабардар етті.
Парламент Мәжілісінің депутаты Абзал Құспан заң жобалары бойынша негізгі әзірлеушілер мен спикерлердің бірі ретінде "Заң мен Тәртіп" қағидаты соттар мен құқық қорғау органдарының қызметімен шектелмейтінін атап өтті. Оның айтуынша, бұл қоғамдық мінез-құлықтың негізгі нормасы, ол әр азаматтың санасында берік орнығып, бүкіл қоғамның ойлау тәсіліне айналуы керек.
Сондай-ақ, Абзал Құспан жаңа Конституцияның қабылдануына байланысты ауқымды қылмыстық және ел тарихында алғаш рет әкімшілік рақымшылық жасау туралы заң жобасы дайындалғанын хабарлады.
Қостанай облысы бойынша Бала құқықтары жөніндегі уәкіл Несібелі Басенова отбасын қорғау, балалардың құқықтары мен отбасылық қатынастар институтын нығайту саласындағы новеллаларды талқылауды жалғастырды.
Ахмет Байтұрсынов атындағы Қостанай өңірлік университетінің аға оқытушысы Ирина Талтанова білім беруді, ғылымды дамытудың және жастардың азаматтық жауапкершілігін қалыптастырудың басымдықтары туралы хабарлады.
Диалог алаңы барысында қатысушылар жаңа конституциялық нормаларды қолданудың практикалық аспектілерін талқылады және олардың азаматтардың құқықтары мен бостандықтарының кепілдіктерін одан әрі нығайту үшін маңыздылығын атап өтті.
Өткізілген іс-шара азаматтардың құқықтарын қорғау, құқық бұзушылықтардың алдын алу, қоғамда "Заң мен тәртіп" идеологиясын ілгерілету, сондай-ақ Қазақстан Республикасының жаңа Конституциясын тиімді іске асыруға дайындықты қамтамасыз ету мәселелері бойынша мазмұнды пікір алмасу үшін тиімді алаңға айналды.
Қостанай облысының прокуратурасы