Қазақстанда ұшқыштарға лазермен кедергі жасағаны үшін қылмыстық жауапкершілік енгізілді

2025 жылғы 17 қыркүйектен бастап Қазақстан Республикасының Қылмыстық кодексіне 352-1 — «Әуе кемесін басқаруға бөгеуіл жасау» атты жаңа бап енгізілді.

Бұл шара жолаушылар авиалайнерлерінің экипаждарын лазерлік құрылғылармен көзін шағылыстыру жағдайларының жиілеуіне байланысты қабылданды. Авиациялық қызметтердің мәліметінше, мұндай әрекеттер ұшу қауіпсіздігіне елеулі қатер төндіреді.

Лазер сәулесі ұшқыш көзін шағылыстыру немесе көру қабілетінің уақытша жоғалуына әкелуі мүмкін. Мұндай жағдайлар әсіресе ұшу және қону кезінде, экипажға әуе кемесін басқару кезінде максималды шоғырлану қажет болған кезде қауіпті. Бұл жолаушылар мен экипаж мүшелерінің өмірі мен денсаулығына қауіп төндіруі мүмкін.

Жаңа бапқа сәйкес, жаза жасалған құқық бұзушылықтың салдарына байланысты. Ол 200 айлық есептік көрсеткішке дейін айыппұл салуды не 10 жылға дейінгі мерзімге бас бостандығынан айыруды көздейді.

Мұндай нормалар әлемнің көптеген елдерінде қолданылады. Германияда осындай әрекеттер үшін 10 жылға дейін, Өзбекстанда 1 жылға дейін бас бостандығынан айыру қарастырылған. Ұшу қауіпсіздігіне қауіп төндіргені үшін қылмыстық жауапкершілік Канадада, АҚШ-та, Австралияда және Жаңа Зеландияда да бар.

Сондай-ақ, Қостанай облысының прокуратурасы аталған бұзушылықтар бойынша тергеу ішкі істер органдарының құзыретіне кіретінін хабарлайды.

Жалпы, халыққа көлік объектілерінің жанында лазерлерді қолдануға жол бермеу туралы түсіндіреміз.

   Қостанай облысының прокуратурасы