Нұра ауданының прокуратурасы сомасы 4,78 миллиард теңге құрайтын жерді мемлекет меншігіне қайтаруға қол жеткізді
Нұра ауданының прокуратурасы пайдаланылмаған 2391 гектар ауыл шаруашылығының жер учаскесін анықтап, мемлекет меншігіне қайтарды.
Аудан әкімінің өкімі мен аудандық Жер қатынастары бөлімімен жасалған келісім негізінде жер 20 жыл мерзімге шаруа қожалығына жалға берілген. Алайда, 2012 жылдан бері бұл жер өз мақсатына сай пайдаланылмай келген.
Прокуратура жүргізген талдау барысында пайдаланылмай жатқан жердің кадастрлық құны 4,78 млрд теңгені құрайтыны анықталды.
Қабылданған прокурорлық ден қою шараларының нәтижелері бойынша жер учаскесі мемлекеттік меншікке қайтарылды және басқа жер пайдаланушыларға беріледі.
Қарағанды облысының прокуратурасы