Мемлекетке келтірілген залалды өтеуге қатысты

Ұлттық құрылтай отырысында Мемлекет басшысы өңірдегі
қолайсыз экологиялық жағдайға назар аударды.
Облыс прокуратурасы жүргізген табиғат қорғау заңнамасы
саласындағы тексеру шеңберінде ағымдағы жылдың 5 айында
бюджетке 15,2 млрд теңгеден астам қаражат өтелді.
Осылайша, жер қойнауын пайдаланушымен экологиялық
рұқсатсыз 5 млн м3 көлемінде шикі (күкіртті) газдың қалыптан тыс
жоғары көлемін жағуға жол берілген.
Прокурорлық қадағалау шараларымен кінәлі Қазақстан
Республикасының Әкімшілік құқық бұзушылық туралы кодексінің
328-бабының 1-бөлігі (қоршаған ортаға антропогендік әсер ету
нормативтерін бұзу) бойынша жауапқа тартылып, оған 12,2 млрд
теңге көлемінде айыппұл салынды.
Экологиялық заңнама талаптарын сақтау мәселесі облыс
прокуратурасының ерекше бақылауында.

 

Атырау облысының прокуратурасы