БАЛА САУДАСЫНА ЖОЛ БЕРМЕЙМІЗ

Облыс прокуратурасының бастамасымен 2021 жылғы 23 шілдеде бала құқықтары жөніндегі уәкілі Аружан Саинның қатысуымен бала саудасына қарсы тұру мәселесі бойынша кеңейтілген кеңес өткізілді.

Іс-шараға жергілікті атқарушы, полиция, қорғаншы және қамқоршы органдарының өкілдері де қатысты.

«Жетім және ата-аналарының қамқорлығынсыз қалған балалар мемлекеттің назарында үнемі болуы тиіс, сондықтан кәмелетке толмағандардың құқықтарын қорғау басымды бағытта» - деп облыс прокурорының орынбасары Бауыржан Жұмақанов атап өтті.

Мәселенің өзектілігін белгілей отыра, қадағалау ведомствоның өкілі бұл бағыттағы жұмыстың тиімділігін қамтамасыз ету бойынша уәкілетті органдарға бірқатар нұсқаулар берді.