Интернет-алаяқтыққа қарсы сақтық шаралары күшейтілуде!

Атырау қаласының прокуратурасы азаматтарды интернет-алаяқтық фактілерінің көбеюіне байланысты сақ болуға шақырады. Соңғы жылдары өңірде интернет-алаяқтық қылмыстары 14 пайызға артқан.

 

Жәбірленушілерге келтірілген материалдық шығынның жалпы көлемі              1,2 млрд теңгені құрайды.

 

Алаяқтар азаматтарды алдау үшін әлеуметтік желілерді, мессенджерлерді, жалған сайттар мен хабарламаларды кеңінен пайдалануда. Көбінесе олар өздерін банк қызметкері, құқық қорғау органы өкілі немесе таныс адам ретінде таныстырып, жеке деректерді, банк картасының реквизиттерін немесе кодтарды алуға тырысады.

 

Осыған байланысты Атырау қаласының прокуратурасы азаматтарға:

• бейтаныс сілтемелерге өтпеуді;
• жеке және банк деректерін үшінші тұлғаларға бермеуді;
• күмәнді қоңыраулар мен хабарламаларға сенбеуді;
• алаяқтық белгілері байқалған жағдайда дереу құқық қорғау органдарына хабарласуды ұсынады.

 

Өзіңізді және жақындарыңызды қорғаңыз.

 

Атырау қаласының прокуратурасы