Жасыл желек ғимараттан маңыздырақ

«Жасыл белдеуді» құрылыс алаңына айналдырудың кезекті әрекеті лауазымды тұлғаның жұмыстан босатылуымен аяқталды.

Атырау облысы Махамбет ауданының прокуратурасы әкімдікпен полиция бөліміне арналған жаңа ғимарат салуды жоспарланған саябақ аймағын қорғап қалды.

Махамбет ауылдық округінің әкімдігі бұл құрылыс үшін заң мен бас жоспарды елемей, 2 гектар алқаптағы жасыл желекті отап тастауға дайын болған.

Прокурорлық қадағалау актісі бойынша ауыл әкімінің шешімдерінің күші жойылып, осылайша, өңірдің экожүйесімен «Таза Қазақстан» акциясының маңыздылығы сақталды.

Аталған заң бұзушылыққа жол бергені үшін аудан әкімінің орынбасары, жер қатынастары және құрылыс бөлімдерінің басшылары, «Азаматтарға арналған үкімет» КЕАҚ Махамбет филиалының жетекшісі тәртіптік жауапкершілікке тартылды, ал Махамбет ауылдық округінің әкімі атқаратын қызметінен босатылды.

 

 

 

              Атырау облысы Махамбет ауданының прокуратурасы