Атырау облысының прокуратурасымен «Жастардың рухани иммунитеті – қоғам мен білім беру ұйымдарының ортақ жауапкершілігі» атты форум ұйымдастырылды

«Заң мен Тәртіп» тұжырымдамасын іске асыру аясында Атырау облысының прокуратурасы жергілікті атқарушы органмен бірлесіп экстремизм мен терроризмнің алдын алуға бағытталған кең ауқымды форум өткізді. Шара видеоконференция байланысы арқылы қаладағы барлық мектептерді қоса алғанда, 14 мыңнан астам қатысушы болды. 

Форумға облыстық Дін істері басқармасының, Полиция департаментінің, деструктивті діни ағымдардың ықпалына түскендерге көмек көрсететін «Шапағат» орталығының мамандары және басқа да ұйымдардың өкілдері қатысты. 

Іс-шараның негізгі мақсаты - рухани-адамгершілік құндылықтарын нығайту, оң дүниетаным қалыптастыру, құқықтық және азаматтық мәдениетті арттыру, әкімшілік және қылмыстық құқық бұзушылықтардың алдын алу, сондай-ақ мемлекеттік органдар мен білім ұйымдарының өзара іс-қимылын күшейту болып табылады. 

Форум қорытындысы бойынша оқушылар арасындағы тәуекел топтарын анықтау үшін жасанды интеллект элементтерін енгізу, түсіндіру жұмыстарын күшейту жөнінде ұсыныстар берілді. 

Бұл бағыттағы жұмыстар қала және өңір оқу орындарында жалғасын табады.

 

Атырау облысының прокуратурасы