Прокуратура студенттердің құқығын қорғады

Қала прокуратурасы колледждердің қызметіне студенттердің сабаққа қатыспағаны үшін айыппұл санкцияларын алудың заңдылығы мәніне талдау жүргізді.

Мониторинг көрсеткендей, кейбір колледждер сабаққа қатыспағаны үшін студенттерге айыппұл салады, ал басқалары оларға тәртіптік жаза қолданады.

Кейбір колледждердің нормативтік құжаттары студенттерге айыппұл санкцияларын қолдануды қарастырады.

Қала прокуратурасының араласуынан кейін колледж әкімшіліктері осы тармақтарды алып тастау бойынша шаралар қабылдады. Қадағалау актісі бойынша колледждердің 473 студентінің құқықтары қалпына келтірілді, студенттерге салынған 3 млн.теңге көлеміндегі айыппұл қайта өтелді.

Сонымен қатар 4 мыңнан астам колледж студенттерінің шәкіртақысынан кәсіподақтың пайдасына 4,5 млн.теңге сомасына заңсыз ұстап қалу фактілері анықталды.

Кәсіподақтардың қызметі колледж студенті болып табылмайтын жұмыс берушінің алдында жұмыскердің құқықтары мен мүдделерін қорғауға бағытталған.

Қадағалау актісімен студенттердің стипендиясынан ұстап қалу және айыппұл санкцияларын өндіріп алудың заңсыз практикасы тоқтатылды.

Студент жастардың құқықтарын сақтау қала прокуратурасының тұрақты бақылауында.  

Алматы қаласының прокуратурасы