2 млрд теңгеден астам заңсыз табыс «Kizdar.net» ұйымдастырушылары ұсталды

Алматы қаласы прокуратурасының үйлестіруімен «Kizdar.net» интернет-ресурсын ұйымдастырушыларының қызметі тоқтатылды.

 

Тергеу мәліметтері бойынша, 2011 жылдан бастап сайт жарнама орналастыру және ақылы интимдік қызмет көрсетуді ұйымдастыру үшін пайдаланылған.

 

Болжамды интернет-ресурсты ұйымдастырушылар ұсталды, олардың әрекеттері ҚК-нің 309-бабы 2-бөлігімен сараланып, соттың санкцияларымен қамауға алынды.

 

Тінту барысында ірі сомада ақша қаражаты, цифрлық активтер, компьютерлік техника және өзге де заттай дәлелдемелер тәркіленді.

 

Алдын-ала 2 млрд теңгеден астам мөлшерде заңсыз табыс анықталды.

 

Сотқа дейінгі тергеп-тексеру жалғасуда.

 

Істің барысы Алматы қаласы прокуратурасының ерекше бақылауында.

Алматы қаласының прокуратурасы