Алматыда «Заң мен Тәртіп» апталығы жалғасуда

Алматы қаласында «Заң мен Тәртіп» апталығы өтіп жатыр – бұл халықтың құқықтық мәдениетін арттыруға, құқықбұзушылықтардың алдын алуға және құқықтық көмектің қолжетімділігін қамтамасыз етуге бағытталған ақпараттық-профилактикалық науқан.

Апта барысында қала аудандарында мобильді құқықтық топтар жұмыс істейді. Олардың құрамына прокуратура, әкімдік, полиция, сыбайлас жемқорлыққа қарсы қызмет және экономикалық тергеп-тексеру департаментінің өкілдері кіреді.

Мобильді топтардың жұмыс кестесі:

• 25 маусым — Жетісу (Арбат жаяу жүргінші көш., Айнабұлақ - 2) және Медеу (28 гвардияшы – панфиловшылар ат. саябағы) аудандары;
• 26 маусым — Әуезов (Family Park демалыс саябағы) және Түрксіб (оқушылар үйі №6) аудандары;
• 27 маусым — Наурызбай (Шұығала ық. ауданы, 347 ) және Алатау (Зерделі ық. ауданы, 1/78) аудандары.

Заң мен тәртіп – әрбір азамат үшін қолжетімді нақты қолдау.

 

Алматы қаласының прокуратурасы