Алматы қаласында қала прокуратурасының «Құқықтық дәріхана» жобасы ісе қосылды

«Заң мен Тәртіп» идеологиялық тұжырымдамасын іске асыру аясында Алматы қаласының прокуратурасы «Құқықтық дәріхана» жобасын іске қосты.

Жобаның мақсаты — халық арасында құқықтық көмектің қолжетімділігін арттыру және құқықтық мәдениетті нығайту.

Прокуратура қызметкерлері қала тұрғындарына — «Dostyk Plaza», «Mega Alma-Ata» және «Grand Park» ірі сауда орталықтарында тегін заңгерлік кеңес береді. 

Жоба 11 маусымнан бастап 11 шілдеге дейін әр сәрсенбі, бейсенбі және жұма күндері сағат 17:00-ден 20:00-ге дейін жұмыс істейді.

Қала тұрғындары бұл бастаманы оң қабылдап, оның ыңғайлы форматын, бюрократияның жоқтығын және алдын ала жазылмай-ақ білікті көмек алу мүмкіндігін атап өтуде.

Жоба көптеген адамдар үшін күнделікті құқықтық мәселелерді шешуде нақты қолдау болды. 

«Құқықтық дәріхана» — халыққа жақын. Адамдардың құқықтық мәселелерін шешуге бір қадам жақын. 

 

Алматы қаласының прокуратурасы