Алматы облысының прокурорлары жүргізген талдауда кәмелетке толмағандардың (оқушылардың) білім беру мекемесінің қабырғасында қалауынсыз/тыйым салынған интернет контенттерге еркін қол жеткізу фактілері анықталды.

Алматы облысының прокурорлары жүргізген талдауда кәмелетке толмағандардың (оқушылардың) білім беру мекемесінің қабырғасында (425 мектептерде,  информатика кабинеттерінде) қалауынсыз/тыйым салынған интернет контенттерге еркін қол жеткізу фактілері анықталды.

Осылайша, мониторинг барысында кәмелетке толмағандардың өз-өзіне қол жұмсау және порнографиялық сипаттағы әртүрлі сайттарға баруы анықталды. 

Бүгінгі күні облыстың барлық білім беру мекемелерінде прокурорлық ден қою актісімен осындай сайттарға интернетке қол жеткізуді шектегіштер орнатылды.

Сонымен қатар, прокурорлардың талап – арызы бойынша көрсетілген интернет-ресурстарды (саны-8) соттар заңсыз деп таныды, олардың таралуы бүкіл ел бойынша шектелген.

Осылайша, бұзушылыққа жол бергені үшін 48 қызметкер тәртіптік жауапкершілікке тартылды.