Ескелді ауданының прокуратурасының бастамасымен, «Атамекен» кәсіпкерлер палатасының аудандық филиалының директоры және Ескелді ауданы әкімдігінің басшылығының қатысуымен кәсіпкерлермен кездесу өткізілді.

24.05.2022 жылы Ескелді ауданының прокуратурасының бастамасымен, «Атамекен» кәсіпкерлер палатасының аудандық филиалының директоры және Ескелді ауданы әкімдігінің басшылығының қатысуымен кәсіпкерлермен кездесу өткізілді.
​Кездесу аясында кәсіпкерлердің өзекті мәселелері көтеріліп, ҚР Жер және Кәсіпкерлік кодекстердің талаптары түсіндірілді. Прокуратура қызметкерлері уәкілетті органдардың іс-әрекеттері мен шешімдеріне шағымдануға тәртібі мәселелеріне ерекше назар аударды.
​Ескелді ауданының прокуратурасы жанында құрылған кәсіпкерлік субъектілердің құқықтарын бұзу және заңды кәсіпкерлік қызметке кедергі жасау туралы хабарламаларға жедел ден қою мақсатында, «Атамекен» кәсіпкерлер палатасы аудандық филиалының өкіледірінін қатысуымен бизнесті қорғау бойынша мобильді топ жұмысын атқаруда.
​ Атап айтқанда, ағымдағы жылдың өткен мерзімінде мобильді топтың сенім телефондарына бизнес субъектілерден 4 хабарлама түсіп, оларды тексеру нәтижелерімен аудан прокуратурасымен заңдылықты бұзушылықтарды жою және бұзылған құқықтарды қалпына келтіруге бағытталған прокурорлық қадағалау актілері енгізілген.​

 

Ескелді ауданының прокуратурасы