Іле ауданында бизнес өкілдерінің мемлекеттік органдармен кездесуі

«Заң мен тәртіп» тұжырымдамасы аясында Іле ауданында «Шин Лайн» ЖШС-нің өндірістік алаңында прокуратура, әкімдік, кәсіпкерлер палатасы, бақылаушы органдар мен бизнес өкілдерінің қатысуымен кездесу өтті.

Кездесу барысында кәсіпкерлердің құқықтарын қорғау және инвестицияларды қолдау шаралары талқыланды.

Іле ауданында 20 мыңнан астам бизнес субъектісі жұмыс істейді, өнеркәсіп, АӨК және логистика салалары белсенді дамуда.

Аудан прокуратурасы бизнесті заңсыз қысымнан қорғауға және инвесторлардың құқықтарын қорғауға ерекше мән береді.

Басым бағыттардың қатарында тексерулердің заңдылығына бақылау, цифрлық арналар арқылы жедел әрекет ету, инвесторлардың мүдделерін барлық кезеңде қорғау. Сәтті мысалдар:

         - «Шин Лайн» ЖШС — сумен жабдықтауға қосылу мәселесі шешілді;

         - «Сокол» ЖШС — заңсыз қызметті тоқтату әрекетінің жолы кесілді;

         - «Джей Ти Ай Қазақстан» ЖШС — су бұру жүйесі қалпына келтірілді;

         -  LC Waikiki (TEMA RETAIL KZ) — 6 млрд теңгелік инвестициялық жоба сервитут орнату арқылы сақталды;

         - Мемлекеттік сатып алулар бойынша кәсіпкерлерге 51 млн теңгеден астам қаражат қайтарылды.

Әсіресе кәсіпкерлердің құқықтарын қорғау бойынша жедел кері байланыс пен көмек көрсететін Telegram арнасы — «Кәсіпкерлердің құқықтарын қорғау бойынша мобильді топ» ерекше атап өтілді.

Прокуратура ашықтыққа және диалогқа дайын екендігін растады: «Қауіпсіз әрі ашық іскерлік орта құру — біздің басты басымдығымыз».

 

#Заң_мен_тәртіп