Кәсіпкерге қатысты заңсыз қылмыстық іс

Кәсіпкерге қатысты басталған қылмыстық қудалау Хромтау ауданының прокуратурасымен өндірістен тоқтатылды.

Прокуратураның мобильді тобына түскен сигнал бойынша анықталғаны, а.ж. 21 ақпанында Хромтау аудандық ПБ-нің қызметкерлерімен «Сектор» ойын клубының жұмыс жасап тұрған кәсіпкерге қатысты қандай-да бір арыз немесе шағым болмағанына қарамастан, авторлық және (немесе) сабақтас құқықтар объектiлерiн заңсыз пайдалану дерегі бойынша ҚК-тің 198-бабының 1-бөлігімен сотқа дейінгі тергеп-тексеру басталған.

Алайда, қылмыстық қудалау органы қылмыстық-процестік заңнамасына сәйкес, аталған санаттағы істердің тек жәбірленушінің шағымынан ғана басталатынын ескермеген.

Осыған байланысты аудан прокуратуарсымен кәсіпкерге қатысты негізсіз басталған сотқа дейінгі тергеп-тексеру өндірістен тоқтатылып, тәркіленген мүлік кәсіпкерге қайтарылып берілді.

Полиция қызметкерлеріне қатысты тәртіптік іс жүргізу өндірісі қозғалды.