САҚ БОЛЫҢЫЗ, АЛАЯҚТАР!

Ақтөбе облысының прокуратурасы ұялы телефондар арқылы алаяқтардың белсенділігі артқаны туралы ескертеді.

         Соңғы уақытта қаскүнемдер ақтөбеліктерге хабарласып, өздерін прокуратура қызметкерлері ретінде таныстырып, алдағы "қадағалау органының тексерулері" туралы, берешектер (несиелер, салықтар, алименттер және т.б. бойынша) және оларды шұғыл өтеу қажеттілігі туралы хабарлап жүрген жағдайлар жиілеп кетті.

         Қандай да бір шара қолданбау үшін алаяқтар банк шотына ақшалай сыйақы аударуды сұрайды.

         Басқа жағдайларда азаматтар өздерінің банктік шоттарын бұзуға немесе олардың атына несие алуға тырысатындығы туралы алдайды.

         Бұзу әрекетін болдырмау үшін олар белгілі бір әрекеттер алгоритмін жасауды ұсынады, ұялы нөміріне келіп түскен арнайы қорғаныс кодын хабарлауды талап етеді.

         Бүгінгі күні алаяқтық фактісі бойынша 2 қылмыстық іс тергелуде, онда белгісіз қаскүнемдер ақтөбеліктерге өзін облыс прокуратурасының басшысы ретінде таныстырып, қоңырау шалған.

         Сіздерді сақ болуға және қырағы болуға және алаяқтардың әрекеттеріне берілмеуге шақырамыз.

         Біріншіден, Сіз ақша аударымдарын, күмәнді мәмілелер бойынша төлемдерді, прокуратура мен басқа органдардың (полиция, салық қызметі, банктер және т.б.) "қызметкерлерінің" өтініштері немесе талаптары бойынша жасамауыңыз керек.

         Екіншіден, ешкімге өз жеке мәліметтеріңізді, пластикалық карталардың деректемелерін, аударым түбіртектерін, әсіресе кодтар мен код сөздерін, тіпті прокуратура, полиция, банк және т.б. қызметкерлері ретінде таныстырған адамдарға да жіберудің қажеті жоқ.

         Үшіншіден, жеке деректерді белгісіз және тексерілмеген сайттарға және басқа көздерге сенуге болмайды. Тексерусіз (интернет-дүкен, адресат) алдын ала төлем жасаудың қажеті жоқ, тауарды алғаннан кейін төлем туралы келісуге тырысуыңыз керек.

         Естеріңізге сала кетейік, прокуратура органдары жеке және заңды тұлғаларға ақшалай қызмет көрсетуді бақылаумен айналыспайды және азаматтарға қандай да бір берешекті өтеу туралы талаптармен қоңырау шалмайды.

         Есіңізде болсын, алаяқтықтың барлық фактілері туралы Сіз 102 нөмірі бойынша немесе жақын маңдағы полиция бөліміне хабарласа аласыз.

 

 

Ақтөбе облысының прокуратурасы