Ағымдағы жылы Мемлекет басшысы Қазақстан халқына Жолдауында басым бағыттардың бірі ретінде - көлеңкелі экономикаға қарсы іс-қимылды күшейту, капиталды шығаруға және салық төлеуден жалтаруға қарсы күресті күшейтуді айқындады.
Облыс прокуратурасымен басқа құқық қорғау органдарымен бірлесіп экономикалық қылмыстарға қарсы іс-қимылдың тиімді жүйесін құру бойынша бірқатар кешенді шаралар қабылданды.
А.ж. 1-жартыжылдығының қорытындысы бойынша мемлекетке 2 млрд. теңгеден астам залал өтелді.
Бірлескен жұмыс нәтижесінде ұйымдасқан топтың (бұдан әрі-ҰҚТ) қылмыстық әрекеті әшкереленді, ол пайда табу мақсатында іс жүзінде жұмыстарды орындамай, заңсыз шот-фактураларды жазу бойынша бірнеше рет іс-әрекеттер жасап, мемлекетке 1 млрд.теңгеден астам мөлшерде аса ірі залал келтірді.
Қазіргі уақытта қылмыстық іс сотта қаралуда.
Ағымдағы жылы соттармен экономикалық қылмыстарды жасағаны үшін 9 адамға қатысты 3 жылдан 6 жылға дейін бас бостандығынан айыру жазасы тағайындалды.
Осыған байланысты, облыс прокуратурасы кәсіпкерлерді заңды бұзбауға, кәсіпкерлік қызметті мемлекет мүддесіне залал келтірмей жүргізуге шақырады.
Ақтөбе облысының прокуратурасы