Прокуратура қауіпсіздік бойынша бақылауды күшейтуде: облыс су сақтау қоймаларына кешенді тексеру жүргізілді

Облыс прокуроры Марат Әбішев ТЖД, «Қазсушар» РМК басшылығымен және облыс әкімінің орынбасарымен бірлесіп Ақтөбе, Қарғалы, Мағаджан су сақтау қоймаларына әуеден шолу арқылы көшпелі тексеру жүргізді.

Сондай-ақ комиссиямен Ырғыз ауданының аумағын  әуеден қарап шықты.

Негізгі назар гидротехникалық құрылыстардың,  қар жамылғысының көлеміне, өзен сағалары мен оларға құятын салалардың жай-күйіне аударылды.

Басты мақсат - ықтимал қауіптердің алдын алу және халықтың қауіпсіздігін қамтамасыз ету.

Аталған мәселе облыс прокуратурасының жуырдағы алқа мәжілісінде қаралып, қабылданған шешімдер тұрақты бақылауға алынды.