Ақмола облысының прокуратурасы мүгедектердің құқықтарын қорғады

Сандықтау ауданының прокуратурасы мүгедектігі бар адамдарды әлеуметтік қорғау саласында елеулі бұзушылықтарды анықтады, атап айтқанда, азаматтарды  тифлотехникалық, сурдотехникалық құралдармен және протездік-ортопедиялық көмекпен уақтылы қамтамасыз етпеу.

Оңалтудың техникалық құралдарын ұсынуға жауапты әлеуметтік қорғау органдары 6 айдан астам уақыт бойы аталған азаматтарды негізсіз  дыбыстық хабарламасы бар ұялы телефондармен және дыбыс жазу құрылғыларымен қамтамасыз етпеген, бірқатар азаматтар ұзақ уақыт бойы қажетті протездік-ортопедиялық көмекті ала алмаған.

Мұндай бұзушылықтар азаматтардың өмір сүру сапасына теріс әсер етеді, олардың әлеуметтік бейімделу мүмкіндіктерін шектейді.

Ден қою шараларымен аталған адамдар сурдо және тифлопедиялық құралдармен, сондай-ақ протездік-ортопедиялық көмекпен қамтамасыз етілді.

Жауапты лауазымды тұлғалар тәртіптік жауапкершілікке тартылды.

                                                      Ақмола облысының прокуратурасы